Akurgerði

Myndirnar úr brúðkaupinu komnar á netið

2008-10-04T12:09:00.007Z

Sæl fjölskylda.

Fyrir þá sem ekki hafa séð myndirnar úr brúðkaupinu þá er hægt að skoða þær á myndasíðu Guðjóns Inga. Þarna eru myndatakan sjálf, myndir úr veislunni auk mynda frá gestum :)

Við Erla vildum líka þakka alveg kærlega fyrir okkur og þennan frábæra dag. Það var gaman að hafa ykkur öll :)

Kveðja,

Jonni og Erla

Hekla Huld eins árs!

2008-07-05T11:31:00.005Z

Þá er komið að fyrsta 1 árs stelpu afmælinu í mörg ár! Það er ótrúlegt hvað tíminn er fljótur að líða. Í tilefni þessa merkis atburðar ætlum við að hafa opið hús að Laufengi 6, á afmælisdeginum, laugardaginn 12. júlí frá 14:00 - 18:00.
Endilega segjið öllum frá!
Dýrindis veitingar!
Allir velkomnir!

Tveir mágar lögðu af stað í leiðangur

2008-05-04T23:44:00.003Z

Lipur var þeirra fótgangur.

Takturinn fannst þeim heldur tómlegur,

svo þeir tóku að hlaupa Boston-maraþon.

Já þriðju hlaupaferðina á tæpu ári fórum við mágarnir nýverið. (Við verðum að fara að hætta að hittast svona Biggi, þetta er farið að vekja umtal í familíunni). Hin gamla höfuðborg Íslendinga, Kaupmannahöfn; og hin aldraða hámenningarborg Evrópu, Berlín (þá fékk Lilla að koma með), hafa þegar fóstrað fætur okkar og nú var komið að öðrum heimsálfum. Við erum jú alltaf í útrás Íslendingar. Það eru bara eðal hlauparar, líkt og við mágarnir, sem geta unnið sér rétt til að vera ekið í skólarútu út úr hinnu fögru borg Vesturheimskra, Boston, upp í sveit til þess eins að hlaupa til baka. Og það gerðum við einn góðviðrisdag í apríl. Spáin var raunar ekkert sérstök hvað veður áhrærði, hálfskýjað og einhverjar farinhædgráður sem maður kann ekkert að reikna til siðmenntaðra selsíusgráða, svo maður var ekkert að maka sig út í sólvarnarsmyrslum eða að klæða á sér skallann til varnar hugsanlegu sólskini. En auðvitað skín sól á réttláta sem rangláta og hún skín því á Vesturheimska líkt og aðra. Hún dansaði því yfir og til hliðar við mig alla leiðina svo glöð að sjá hversu duglegur ég var að hlaupa til baka. Hlaupaleiðin var auðvitað upp og niður endalausa ása, sem Vesturheimskir eltu áður indíána eftir til að koma í kristinna manna tölu líkt og öðrum sem fóru um þetta land hinna útvöldu. Við rásmarkið, að afloknum tvíendurteknum þjóðsöng hinnar guðsútvöldu þjóðar og herþotuflugi yfir okkur, svona til að láta okkur vita að hinn almáttugi höfðingi þessarar þjóðar vekti yfir öryggi okkur hljóp ég af stað eins og kálfur út í vorið. Hér skyldi Vesturheimskum sýnt hvernig fólk af frumbyggjategund þessa svæðis, næst á eftir skrælingjunum auðvitað, en löngu á undan villuráfandi sjóveikum spaniólum eða öðrum óþjóða lýð neðan úr gömlu Evrópu, hlypi þessa ása líkt og íslenskt forystufé leiðir safnið af fjalli til byggða á haustin. Það var eitthvað, líklegast í loftinu, sem gerði fæturna svo þunga að ég mátti þá vart bæra þegar, sem betur fer, ansi margar mílur höfðu mjakast hjá, en þó ekki nógu margar. Var þá svo komið að starfsemi heilans, undir hinni brennandi bostonísku sól, fór í gamalkunnugt far; Hvern fjandann ertu að fara maður? Hvers vegna ertu að pína þig þetta? Hættu við Laugavegshlaupið! Hættu við 50 km hlaupið! Hættu við önnur áformuð maraþon! Já, já, já svaraði ég heilanum bara ef þú kemur mér í mark. Ég ræð ekki lengur yfir löppunum svaraði heilinn, ég get rétt mjakað öðrum fæti fram fyrir hinn. Viðjið þið koma mér í mark kæru fætur og ég skal labba lífið á enda. OK sögðu fæturnir, við nennum ekki lengur þessum sífelldu hlaupum á þér maður. Undan hverju ertu eiginlega að hlaupast? Og þannig komst ég í markið á síðustu kröftum fúinna fóta aldraðs manns. En vatnsflaska, orkudrykkur, orkubar, faðmlög og árnaðaróskir já og bara ágætur hlaupatími hvíldu fæturna furðu fljótt. En fæturnir minntu á loforðið um hlaupalok. Ég var með lygamerki á puttunum svaraði ég og við hlóum að fótunum, puttarnir og ég. Þið munuð aldrei vera rólegir hér eftir sem hingað til, sagði ég við fæturna. Um leið og heim kemur hefjum við saman, þið mínir fráu fætur og þú frjói heili, samstarf um að koma þessum síunga hlaupagarpi gegnum öll þau hlaup sem hugur stendur til. Er þetta ekki bilun? sagði heilinn, farinn að jafna sig eftir soðninguna Vestra. Jú víst er þetta bilun sagði ég, en það er ljúft að vera bilaður.

Ertu klár mágur? Ertu tilbúin systir?

Johnnie Runner

Guðjón Ingi 4. ára

2008-04-26T23:24:00.003Z

Sæl öll.

Hann Guðjón Ingi er að verða 4. ára sunnudaginn 4. maí. Ættingjar okkar eru boðnir í afmælið að sjálfsögðu sem fer fram í Lómasölum 8 í Kópavogi. Sjóræningjaveislan hefst kl. 15!

Vinsamlegast boðið komu yðar hér eða sendið mér eða Erlu tölvupóst :)

Sjáumst!

Níkaragúamyndir!

2008-02-17T18:22:00.002Z

Þau merkilegu tíðindi hafa gerst að ég er búin að birta myndir frá Níkaragúaferð la familia Jónsson á síðunni okkar. Það tók þrjár vikur að safna kjarki til að byrja á þessu og aðrar þrjár vikur að velja myndir, minnka þær, setja upp og skrifa texta. En nú er þessu verkefni loksins lokið. Myndirnar getið þið skoðað hér: http://www.simnet.is/mariage/0712.htm

Hafsteinn verður 4 ára næsta sunnudag (24.02.) og við verðum með hefðbundið kaffiboð klukkan þrjú. Þar sem við misstum af jólaboðinu erum við farin að sakna fjölskyldunnar ansi mikið, endilega látið sjá ykkur!

Já og litli frændi er yndisfríður!

Erlu blogg

2008-02-01T22:16:00.000Z

Sæl kæra fjölskylda.

Fyrir ykkur sem ekki vita þá erum við Erla (og fósturpabbi hennar Erlu, hann Jóhann) búin að vera á ferðalagi um Houston í vikunni útaf veikindum Erlu. Erla heldur úti bloggsíðu um ferðalagið og allt það er gengur á þessa dagana hjá henni og hjá okkur. Hvet ykkur öll til að kíkja á bloggið ef þið viljið fylgjast með. Eina sem þið þurfið að gera er að fara inn á www.erlasylvia.com

Kveðja,

Jonathan

Gestur Diriangen 4 ára

2008-01-29T15:59:00.000Z

Gestur orðinn 4 ára og finnst hann vera orðinn stórt barn en ekki lítið lengur. Í gær mældist hann 105 cm og er ekkert nema lappirnar. Á sunnudaginn héldum við afmælisveislu - 25 manns (bara sistkyni Saúl) og mikil stemming. Hún náði hámarki þegar börnin börðu í tætlur brúðu í fullri líkamsstærd sem troðin var út af sælgæti. Þetta yrði nú bannað í Svíþjóð... Video sjást á síðunni okkar og myndir líka. Takk fyrir stafabókina Hulda, nú segist Gestur loks vilja læra að lesa.

Eftir að íslenska fjölskyldan okkar fór heim talar Gestur mikið um að fara til Íslands og í öllum leikjum hjá honum er flogið eða siglt til Íslands. Mest langar hann að leika sér í snjó, en það verður bið á því. Ég reikna með að við mæðginin komum 1. júlí og Saúl þann 5. Hlakka til að hitta ykkur öll þá.

Kveðja úr sólinni (vaxandi hiti og ryk),

Gerður

Fyrir 10 árum

2008-01-14T00:48:00.000Z

Og við höldum áfram með myndashowið...

Þessi mynd var tekin 11. janúar 1998 á síðasta afmælisdeginum sem við afi áttum saman.

Til hamingju afi

2008-01-11T17:45:00.000Z

Hann elsku afi Óli hefði orðið 86 ára í dag ef honum hefði enst aldur. Það er ótrúlegt til þess að hugsa að þann 25. mars nk. verði komin heil 10 (leiðrétt :)) ár frá því hann fór yfir móðuna miklu. Það sem tímanum nú líður ...

Elsku afi minn og elsku María frænka. Innilegar hamingjuóskir til ykkar beggja á afmælisdaginn, hvar sem þið megið vera.

Afmæli Maríu

2008-01-10T15:29:00.000Z

Þar sem ég er fyrst til að skrifa hingað inn í ár vil ég byrja á að óska ykkur öllum gleðilegs nýs árs og þakka fyrir það liðna.

Við fjölskyldan erum komin heim frá Níkaragúa, þar sem við nutum gestrisni Gerðar og Saúls. Þetta var mikil ævintýraferð og svo margt nýtt sem við sáum og upplifðum að ég er ekki búin að vinna úr því ennþá. Hvað þá myndunum fimmtánhundruð sem við Kolli tókum í ferðinni. Þegar því er lokið set ég ferðasöguna í máli og myndum á heimasíðuna okkar.

Hér eru þó nokkrir punktar sem koma upp í hugann:

-Iguanaeðlukjöt bragðast mun betur en snákakjöt.

-Valgeir er tungumálasnillingur og var altalandi á spænsku eftir nokkra klukkutíma í landinu.

-Það má ekki sleppa pabba lausum í kúrekastígvélabúðum, því þá kaupir hann alla búðina.

-Átta ára Flor de Caña er besta romm í heimi.

-Það er yndislegt að sofna við eðlugagg á hverju kvöldi og vakna við hænugagg.

-Það er gott að worka tanið í Níkaragúa, sérstaklega um leið og maður berst við öldur Kyrrahafsins.

Meira síðar...

Janúar er mikill afmælismánuður. Móðursystir mínog nafna fagnaði afmæli sínu 3. janúar, Óli Dan hefur væntanlega átt góðan afmælisdag í faðmi fjölskyldunnar í gær (Til hamingju með Guðrúnu Lilju!), Gestur Diriangen verður fjögurra ára 29. janúar og sjálf mun ég fylla þriðja tuginn á morgun. Af því tilefni verður heitt á könnunni hér á Langholtsveginum á sunnudaginn kl. 4.

Kveðja,María

Jólakveðja

2007-12-24T13:20:00.000Z

Elsku ættingjar.

Gleðileg jól nær og fjær. Hafið það ofboðslega gott hvar sem þið eruð í heiminum, hvort sem það er á Akureyri eða í Nigaraqua. Þakka gott blogg ár og vona að það næsta verði ennþá afkastameira.

Við fjölskyldan verðum hérna í Kaupmannahöfn og ætlum að hafa það náðugt á meðan sú gamla ætlar að "hygge sig" heima hjá Unni systur sinni.

Sjáumst hress á nýju ári :)

Jonathan og fjölskylda

Guðrún Lilja Ólafsdóttir

2007-11-17T20:04:00.000Z

Heil og sæl.

Jæja þá svarar maður loksins kallinu.

Þann 12. nóvember síðastliðin fæddist okkur Jónu stúlka. Fæðingin gekk vel og var barnið rúmar 16 merkur og 52.5 cm. Álfheiður hefur svifið um á rósrauðu skýi frá fyrsta degi. Við höfum fengið fjöldan allan af góðum kveðjum og gjöfum og vil ég nota tækifærið að þakka hjartanlega fyrir það allt.

Afi og amma í Ljósó stukku af stað og komu norður yfir helgina til að hitta nýja fjölskyldumeðliminn. Eins er Kiddi á svæðinu og höfum við öll átt notarlegar stundir saman.

Eftir að hafa mátað nafnið á nýja fjölskyldumeðliminn í nokkra daga var það gert opinbert í morgun. Guðrún Lilja skal stúlkan heita. Guðrún eftir ömmunum sínum tveimur í Öxarfirði og Lilja eftir Diddu ömmu, konu sem alltaf hefur verið Jónu og systrum hennar mjög góð og þær hafa löngum kallað Diddu mömmu.

Ég læt eina mynd fylgja af konunum mínum þremur en fleiri myndir er að finna hér.

2007-11-13T14:43:00.000Z

Ég segi eins og Hulda - fórt beint á Akurgerði til að frá frekari upplýsingar um nýjasta fjölskyldumeðliminn en greip í tómt. En ég kann að bjarga mér og fór á myndasíðu Álfheiðar, en á hana hefur ekki verið sett síðan í júlí... Sést ekkert á Jónu þar, en Óli virðist vera komin nokkra mánuði á leið! Verst af öllu finnst mér þó að ég vissi ekki einu sinni að þau ættu von á barni - það hefði auðvita átt að koma fram hér fyrir löngu. Hlakka til að lesa meira um litlu frænku þegar fjölskyldan rankar við sér úr sæluvímunni.

Gerður Gests

P.S. Jonathan, þú setur kannski hér til hliðar link á videosíðuna hanns Gests youtube.com/gestsdottir

Frá Huldu - án leyfis

2007-11-12T23:40:00.000Z

Ég geri bara eins og Gerður :) Hulda setti þessa athugasemd inn undir bloggið hennar Helgu en þetta á fyllilega rétt á sem sem sér blogg. Hér kemur pistillinn hennar Huldu. Svo segi ég við Donna fraengda minn eins og Jesú sagði við Júdas í frægri auglýsingu Símans. "Við erum hér ... hvar ert þú?"

Sæl öll saman.
Ár og dagur síðan ég hef kíkt á bloggið enda lítið verið þar að sjá eins og frægt er.
Nú en í dag eru fréttir svo ég fór að kíkja en það er ekki komið blogg um það. Ég segi ekki neitt!!!
Það er gaman að heyra frá ykkur hvar svo sem þið eruð stödd og gott að vita að allt er í góðum gír hjá ykkur. Já, níu mánuðir verða fljótir að líða og það verður gaman að fá ykkur heim en ég hélt þið ætluðið að gifta ykkur á afmælisdaginn minn??? Jæja, ég kyngi því!
En það er fjör að vera komin heim. Íslenski hraðinn lætur ekki að sér hæða, maður sogast inn í hann og dansar með. Það er alltaf brjálað að gera og dagurinn allt of stuttur.
En það er gaman að vera nálægt sínum og um helgina áttum við heilmikil samskipti við okkar prins og prinsessu, sáum hana í ungbarnasundi á laugardag þar sem ég fór líka oní ásamt Unnari og Stefáni Mána en aðdáendaklúbburinn var á bakkanum, Vala, Þór, Hekla amma og litli Toni. Svo dásamlegt að sjá þessi kríli í sundi öll svona ólík. í gær komu þau svo í mat og það var líka svo gaman. Tengdó var líka en hún er nú meira og minna ein því Stefán er inn og út af spítölum þessa dagana svo það er nóg að gera þar líka.
Þór sækir um vinnu út um víðan völl. Er búinn að vera að leysa af í Hamrahlíð í þrjár vikur og svo er hann handlangari hjá U. Óla þegar þörf er á því. Við erum að vona að eitthvað af þessum umsóknum hans fari bráðum að skila sér með fastri vinnu.
Bestu kveðjur til ykkar allra nær og fjær, þó sérstaklega fjær.

Hulda

Frá Helgu - án leyfis

2007-11-07T18:54:00.001Z

Helga setti inn svo skemmtilegt komment á pistilinn hanns Jonathans, semauðvita hefði átt að vera blogg. Ég tek mér því það bessaleyfi að setja það inn sem blogg hér með.

Æ elskur auðvitað saknið þið þess sem fjarri eru okkur að ekkert fjör er á þessari frábæru bloggsíðu okkar..Meira segja ég er hætt að opna hana en geri betur í frammhaldi af þessari áskorun..Eins og allir vita þá var mér sagt upp í Öndvegi eftir 7 1/2 ára trygga þjónustu.. Ok.. Var komin með vinnu tveim dögum seinna í versl. Egg.. Það er svona þokkalegt. Mikið að gera verð ég að segja .. Hef ekki unnið svona vinnu áður.. Og er ekki venjulega þreytt eftir daginn ..En frábært fólk sem vinnur þarna. Það eru aðrir að toga í mig svo ég sé svona aðeins til hvernig og hvað ég geri.Langar í frammhaldi að þakka hvað allir voru yndislegir við mig þegar þetta fréttist, yndisleg fjölsk. Nóg um mig..

Að öðru..Get ekki annað en brosað þegar ég les að J..og fjölsk.eru búin að sjá Skallagrímsson í Köben..Sérstaklega þegar þetta er búið að vera á fjölunum rétt við bústaðinn okkar í allann þennann tíma... Við erum svo bústaðakær þegar við erum komin uppeftir að það er ekki neitt venjulegt. Jú hausið er svo sannarlega komið með stæl hálka snjór rok og rigning og laufið löngu horfið... Aldeilis fjör í Köben í nóvember.. gaman að vita að því..

En ætli ég hætti ekki núna og sendi mínar bestu kveðjur til ykkar..og fullt af kossum til Guðjóns Inga ömmu barns og Gests Ömmu systur barns ... Je minn gleymi einu hvað haldið þið að ég hafi keypt mér í dag... Nema súkkulaði ramagnspott svo lítinn og krúttlegann svo nú get ég búið til nammi og allt mögulegt jarðaber með súkkulaði .. hjúpa rúsínur og fl. og fl .. Svo ef þið viljið fá pottinn lánaðann þá bara að hafa samband.

Kveðjur.... Helga

Fréttir frá Kaupmannahöfn

2007-11-02T08:46:00.000Z

Sæl kæra fjölskylda.

Ég ætla að byrja á að taka undir orð Gerðar frænku minnar hér að neðan og hvetja ykkur öll til vera duglegri við að skrifa inn á bloggið. Ég hef sjálfur ekki verið nægilega duglegur en það ætti maður nú bara að geta séð á mínu eigin bloggi, sem ekki hefur verið uppfært í marga mánuði :)

Það er af okkur að frétta að haustið er loksins farið að láta fyrir sér finna hérna í Kaupmannahöfn. Ekki er þó farið að snjóa hér eins og á Íslandi heldur er hitastigið búið að lækka nokkuð síðustu vikur og laufblöðin hafa að mestu látið sig falla niður á gangstéttina. Mér þykir haustið hérna í Kaupmannahöfn mjög fallegt. Það eru svo margir litir að sjá og yndislegt að hjóla í vinnuna á hverjum morgni. Ég á eftir að sakna þess mikið þegar við flytjum aftur heim til Íslands.

Það er ekki langt í það reyndar, aðeins 9 mánuðir tæplega og við verðum komin aftur heim á klakann aftur, þetta er svo ótrúlega fljótt að líða. Stefnt er að því að byggja þegar við komum heim og höfum við sótt um lóðir bæði í Kópavogi og við Reynisvatnsás í Reykjavík. Helga amma sótti um með okkur og stefnum við að því að byggja litla íbúð í húsinu okkar svo hún geti búið með okkur. Annars er alls ekkert víst að við fáum úthlutað og verður maður bara að vona það besta. Ef ekkert gerist þá förum við örugglega bara á leigumarkaðinn þegar við komum heim og reynum að sækja aftur um lóð seinna.

Svo er auðvitað stefnt að brúðkaupi næsta sumar, í ágúst eftir að við flytjum heim svo það er eins gott að allir taki frá dag í lok ágúst fyrir okkur :)

Nú er Erla að taka fyrstu skrefin í átt að lokaritgerðinni sinni og er hún í því að velja sér efni til að skrifa um. Sjálfur hef ég nóg að gera í vinnunni og verkefnin flæða inn. Ég er einmitt að koma til Íslands í þarnæstu viku útaf vinnunni svo kannski hittumst við á förnum vegi ...

Á miðvikudaginn fórum við Erla, Þórhallur og Þórunn niður í Bryggen að sjá Egil Skallagrímsson, einleik um sögu Egils Skallagrímssonar í flutningi Benedikts Erlingssonar. Ég var virkilega ánægður með þessa sýningu og hvet alla, unga sem aldna, danska sem íslenska að fara að sjá þessa sýningu (ef hún er ennþá sýnd heima þeas :)). Nóg að gera hérna í Kaupmannahöfn því svo förum við öll á tónleika með Bubba á sama stað (Bryggen) þann 15. nóvember, Mugison er daginn eftir og svo er auðvitað búið að kaupa miða á landsleik Dana og Íslendinga á Parken seinna í mánuðinum. Nóg að gera í nóvember!!

Jæja, það er örugglega fullt sem ég er að gleyma en vonandi verð ég þá duglegri við að skella því hér inn á bloggið ef eitthvað merkilegt gerist.

Kveðjur til ykkar allra.

Jonathan & fjölskylda.

Skrifa eða loka!

2007-11-01T14:48:00.000Z

Í tilefni þess að þetta merkilega blogg verður 2 ára næsta fimmtudag kíkti ég á fyrstu færslurnar. Þar lýsa margir ánægju með þetta framtak Jonathans að stofna bloggið og lofa öllu fögru um þátttöku. Lengi framanaf voru margir duglegir að skrifa, en það sem af er þessu ári hefur verið mikil, mikil deyfð yfir síðunni.

Okkur hér undir miðbaug, og eflaust fleiri, þyrstir í fréttir af fjölskylduni. Ekki bara hverjir eru að stofna fyrirtæki, flytja á milli landa eða taka þátt í maraþonum í útlöndum, heldur líka hver gleðst yfir nýjum borgarstjórnarmeirihluta (eða ekki), hver var að lesa góða bók o.s.frv.

Nú legg ég til að þessi ofur-skipulagða og ritfæra fjölskilda taki upp sístem. Sá sem á bústaðinn þá vikuna á líka bloggið og verður að sjá til þess að a.m.k. ein færsla komi inn. Viðkomandi getur skrifað hana sjálfur eða fengið hvern sem er til að gera það - sín eigin börn eða aðra. Þeim sem ekki eiga vikuna er auðvita frjálst að senda inn pistla líka hvenær sem er. Vonandi verður aukið líf á síðunni til þess að allir verði duglegri að senda inn.

Hlakka til að frétta meira af ykkur!

Kveðja,
Gerður

Frænka safnar sögum

2007-09-20T19:12:00.000Z

Frænka okkar af Snæfellsnesinu er að safna sögum af langa-langömmu sinni, Guðrúni, sem var systir Njáls. Hún skrifaði mjög skemmtlegt blogg á síðuna sína þar sem hún biður fólk að senda sér sögur sem það kann af þessu fólki, Sigurrós og börnunum hennar Njáli, Guðrúnu og Júlíönu. Ég veit að þið lumið á einhverju.

Ýmislegt gerist í Engjó

2007-09-04T20:29:00.000Z

Eftir margra mánaða hlé átti ég leið um Akurgerði og mikil varð undrun mín og gleði þegar ég las ótal hlýjar kveðjur til sjálfrar mín síðan í sumar! Ekki er laust við að manni hlýni um hjartarætur þegar maður verður var við hvað stórfjölskyldan stendur þétt - við hittumst síðast allmörg á tónleikastaðnum Organ í síðustu viku þar sem hin stórgóða hljómsveit Jan Mayen átti stórleik.

En fyrst ég er komin í Akurgerði er rétt að gefa örlitla skýrslu um okkur hér í Engjaseli enda mikið að gerast á heimilinu um þessar mundir. Öll erum við í skóla þetta haustið: Ég kenni sem fyrr í FÁ og HÍ en Vala og Kalli eru bæði í FB þar sem Kalli hóf nám fyrir stuttu á glænýrri íþróttaafreksbraut enda mikil handboltahetja þar á ferð. Við höfum öll staðið í dramatískum en þó nokkuð skemmtilegum samskiptum við hitt kynið á árinu og höfum þar einkum að leiðarljósi að eiga einungis náin kynni við aðila sem byrja á H (Halldór, Hrefna, Hrafnkell og þá hafði Harry nokkur Potter sterka návist síðsumars). Þetta hefur nú allt borið þann ávöxt sem Donni frændi spáði fyrir um í fertugsafmæli mínu síðasta sumar: Vala (sem hér sést við snæðing) á von á barni og ætlar að eiga það í kringum afmælið sitt í febrúar næstkomandi. "Fjórðungi bregður til nafns" sagði ég við móður mína þegar ég færði henni tíðindin af nöfnu hennar sem þó er ívið eldri en amma hennar var undir sömu kringumstæðum. Ekki er ég viss um að Siggi hafi áttað sig á þessu þegar hann valdi dóttur sinni nafn á sínum tíma (fyrir skemmstu, liggur mér við að segja). Ég lýk blogginu með tilvitnun í Súsönnu Margréti eldri sem rifjaði þetta gjarnan upp en horfði svo hlýlega á undirritaða og sagði: "Eins og það varð nú mikil blessun!"

Frá ljóni til ljóns

2007-08-14T19:46:00.001Z

Elsku Hulda frænka. Til hamingju með afmælið í síðstu viku, ég frétti að þið hefðuð átt góðan dag í sumarbústaðnum. Ég hef átt mjög góðan afmælisdag í dag, eins og sjá má á blogginu mínu. Þó hefði það glatt mitt hégómlega ljónshjarta að fá kveðju frá fjölskyldunni hérna, að ekki sé talað um þig sem ert nýkomin heim frá útlöndum. En við ljónin þurfum svo sem ekki aðra til að segja okkur að við séum frábær - þótt það sé ekki verra!

Fjölskylda - betra er seint en aldrei. Drífið ykkur nú að skrifa góða lofrullu a la Donni um okkur frænkur.

Gerður

Krabbarnir rúla

2007-07-16T16:02:00.000Z

Elskuleg systir mín, Súsanna Margrét, á afmæli í dag. Ég sendi henni bestu kveðjur í tilefni af því. Valgeir átti afmæli á fimmtudaginn og var svo heppin að fá barn í afmælisgjöf! Ekki sitt eigið, heldur Heklu Huld sem er hér að neðan. Ég leyfi mér að fullyrða, sem kona umvafin kröbbum (systir, bróðir, eiginmaður, amma o.s.frv) að þótt krabbar séu oft dintóttir þá eru þeir undantekningarlaust fólk sem maður getur ekki verið án þegar maður er á annað borð búinn að kynnast þeim.

Sólarkveðjur,

Gerður

Hekla Huld Unnarsdóttir

2007-07-16T09:05:00.000Z

jæja þá er komið að því að setja nokkrar myndir inn af nýjasta meðlimi ættarinnar lítilli prinsessu sem var mæld 49 sm og 3480 gr.(tæpar 14 merkur) . Stefán Máni er rosalega spenntur yfir litlu systur, gerir í því að lána henni bangsann sinn og vill endilega leyfa henni að liggja á koddanum sínum þegar hún grætur. Hann mun greinilega hugsa vel um hana. Af mæðgininum er allt gott að frétta. Sú litla plummar sig vel. Drekkur vel og lætur í sér heyra þegar hana langar í sopa. Ekki hægt að biðja um meira :) Vala jafnar sig fljótt og örugglega enda gekk fæðingin vel. Meiri fréttir verða á næstu dögum líklega á heimasíðu Stefáns Mána.

Kveðja Unnar Óli og fjölsk

Una Helga Jónsdóttir Kóngsdóttir tvítug

2007-06-27T23:01:00.000Z

Í dag 28. júní er mín elskulega dóttir tvítug. Það eru þannig liðin tuttugu ár frá því ég leit hana fyrst augum á fæðingardeildinni og þvílík gleði að eignast heilbrigt barn og fá dóttur svona óvænt eftir vitringana þrjá. Og hún varð að auki pabbastelpa og augasteinninn hans og hefur auðvitað vafið honum um fingur sér alla tíð. En það hefur verið sælutíð frá upphafi og aldrei neitt annað. Eins og sagt var nýverið, gáfurnar fékk hún frá móður sinni (mínar eru ekki til skiptanna) en fegurðina fékk hún frá föður sínum á því er enginn vafi svo glæsileg sem hún nú er kóngsdóttirin mín.

Unu Helgu óska ég til hamingju með daginn og óska henni alls góðs á komandi leiðum lífsins.

Pabbi

Donni og öll afmælisbörn júnímánaðar

2007-06-19T14:12:00.000Z

Það er ekki hægt að gleyma afmælinu hans Donna frænda og því undrar mig að enginn skuli vera búinn að senda inn kveðju til hans. Til hamingju með daginn, elsku frændi, ég vona að þú njótir hans.

Ég vil nota tækifærið og óska Völu til hamingju með afmælið 25, Saúl 26 og Unu Helgu 28. Held þetta sé tæmandi fyrir júní. Er eitthvað að frétta af nýja barninu, Vala og Unnar Óli?

Svo beini ég því til fjölskyldunnar að hún verði duglegri að senda inn á bloggið og láti mig ekki eina um það. Mætti halda að ég hefði ekkert að gera í vinnunni...

Kær kveðja úr steikjandi hita / fossandi rigningu

Gerður og kó.

Aupair til Nicaragua

2007-06-15T14:34:00.000Z

"Spænskumælandi aupair óskast til Managua, Nicaragua. Eldri en 20 ára, reyklaus með bílpróf. Íslensk fjölskylda, 3 ½ árs gamall strákur í leikskóla hálfan daginn, engin heimilisstörf. Upplýsingar gefur Gerður í síma 545 7816 milli kl. 14 og 23 eða á gestsdottir@gmail.com."

Ég setti þessa auglýsingu inn á Barnaland í gær og hef ekki fengið þau viðbrögð sem ég vonaðist eftir. Ef þið þekkið einhvern áhugasaman látið þá vita.

Gerður

Solskynsbarn fer sigurfor um heiminn!

2007-05-19T02:32:00.000Z

Gesti barst pakki i dag med Solskynsbarni. Hann var ekki lengi ad setjast nidur til ad lesa og gaf bokinni goda doma. Myndir af atburdinum ma sja a heimasidu Gests. Svo las eg adeins fyrir hann. Nu i kvold las eg meira og hann hafdi gaman af thott sumt skyldi hann ekki. Tha bad hann mig ad enduraka aftur og aftur thar til eg gat ordad thad a asaettanlegan hatt. Thetta verdur kvoldlestrarbokin okkar nuna og verdur klarud a naestu vikum. Mer lyst lika mjog vel a bokina. Thakkir til allra hlutadeigandi - mommu, pabba, Mariu og Huldu. Tengdamanna vard mjog imponerud yfir thvi ad ommusystir Gests hefdi gefid ut bok og spurdi hvort hun hefdi verid thydd a spaensku. Hugmynd... Thad er natturulega alger tilviljun ad strakurinn a kapunni er alveg eins og Stefan Mani / Unnar Oli / Oddur Ingi?

Gestur er ordinn hress, var hja laekninum i morgun. Lungun ordin hrein thott hann se med sma hosta enntha. Hann hefur thyngst um 1 1/2 til 2 kilo sidan vid komum hingad, ordinn 16,5 kg og 98cm - algjort troll.

Kaer kvedja til allra,

Gerdur og ko.

Myndir frá Parísarferð

2007-05-15T21:29:00.001Z

Ég og Erla komum frá París á sunnudaginn eftir frábærar 4 nætur í þessari yndislegu borg. Það var mikið skoðað og mikið labbað að sjálfsögðu. Ég fer hiklaust aftur til Parísar í framtíðinni :)

Myndirnar má finna hérna á Flickr síðunni minni.

Gestur heim af spitalanum

2007-05-14T17:25:00.000Z

Gestur var lagdur inn a spitala her i Managua a fostudaginn med byrjandi lungnabolgu og farinn ad thorna upp. Hann var med mjog mikinn hita og ogurlega slappur. Hann hresstist fljott vid oll lyfin sem hann fekk, vokva, bolgueydandi og syklalyf i aed, innondunarlyf og eg veit ekki hvad. I dag, manudag, fekk hann ad fara heim en verdur a lyfjum naestu 3 manudi. Vid thurfum ad passa vel upp a hann svo hann verdi ekki alltaf veikur, segir laeknirinn. Hann er hress og katur en ottaleg mattlitill og fljotur ad threytast. Thad erfidasta verdur orugglega ad hann ma ekki fara i sundlaugina sina i manud og alls ekki vera alsber. Veit ekki hvernig thad a ad ganga upp.

Thad var undarleg reynsla ad vera a einkaspitalan - allt kostar, en thjonustan er eins og a besta hoteli. Svo borgar tryggingin sem vinnan keypti fyrir mig.

En nu er Saul veikur. Eg sendi hann heim af spitalanum i gaer thvi hann var svo slappur (thvert gegn vilja minum hef eg tamid mer hardneskju modur minnar i gard sjuklinga) en hann kom a bradavaktina um kvoldid med 39,7 stiga hita. Hann er med bronkitis og fullt af lyfjum til ad taka. Eg get thvi ekki skild Gest eftir hja honum eins og til stod, en tharf ad sinna tveimur sjuklingum heima! Ekki spennandi. Spitalamyndir a gdg.barnaland.is

Kaer kvedja ur brennandi sol og 36 stiga hita, hosta og kvefi,

Gerur og co.

Sorg, hamingja og tvöfalt afmæli

2007-05-09T09:55:00.000Z

Komið þið sæl elsku fjölskylda.

Nú er aldeilis tilefni til bréfaskrifta, enda nóg búið að gerast síðustu vikur.

Í lok apríl fórum við fjölsyldan í nokkuð fyrirvaralausa heimför til Íslands og var erindið ekkert sérlega ánægjulegt. Amma hennar Erlu (mamma hans Runa) hún Guðrún er búin að berjast við krabbamein frá því í Apríl í fyrra. Hún hafði verið hress þangað til í byrjun árs en hafði hægt og rólega hrakað undanfarið svo tekin var ákvörðun um að fara heim og fylgja henni síðustu metrana. Hún lést á líknardeildinni í Kópavogi laugardaginn eftir að við komum, 72 ára að aldri. Jarðaförin var haldin í Hallgrímskirkju og heyrði ég hjá aðstandendum að um 500 manns hafi látið sjá sig í kirkjunni og uþb. 350 manns í erfðadrykkjunni.

Sama dag og jarðaförin var haldin átti Guðjón Ingi þriggja ára afmæli. Hann er að verða svo stór þessi elska. Því miður var ekki mikið um hátíðarhöld þann daginn svo ákveðið var að hittast í rólegheitum á sunnudeginum og klára kökurnar úr erfðadrykkjunni.

Seinna um kvöldið fórum við Erla svo í bíltúr niður í Gróttu sem hefur verið "okkar" staður frá því að við byrjuðum saman. Undirskrifaður ákvað að fara niður á skeljarnar og bað konunnar sem hann hefur haldið svo mikið upp á sl. 6 ár :) Hún sagði að sjálfsögðu já ....

Á mánudeginum fór svo Guðjón Ingi í flugferð austur til afa síns og Gurru ömmu á Egilstöðum og ætlar að vera þar fram á sunnudag og koma svo heim til Danmörku með Runólfi og Heiðrúnu. Við Erla hringdum í hann í gær og hann var svo upptekinn hjá afa sínum, nýbúinn að fá Latabæjar stígvél og svo þurfti að sinna Rán líka (Hundinum hans Guðjóns) því hún er svo hvolpafull ... ekkert smá gaman í sveitinni!

Eins og það hafi ekki verið nóg þá er ég sjálfur orðinn 30 ára í dag. Geri aðrir betur!! Afmælisgjöfin mín frá Erlu er ferð til Parísar og erum við að fara strax í fyrramálið (hvar er betra að halda upp á nýja trúlofun en í borg elskenda?).

Bið að heilsa öllum heima á Íslandi. Viva la France!!

Kveðjur frá Kaupmannahöfn.

Jonathan

Sólskinsbarn

2007-04-17T21:34:00.000Z

Í kvöld birtist pósturinn með böggul merktan Álfheiði Unu. Álfheiður sem var komin upp í rúm og var að hlusta á kvöldsöguna sína veðraðist öll upp og opnaði böggulinn. Í ljós kom sumargjöf í gjafapappír frá ömmu og afa í Ljósó. Eftir smávegis vangaveltur sannfærðum við hvert annað, þá öll komin upp í rúm að skoða pakkann, að amma og afi myndu áræðanlega leyfa Álfheiði að opna pakkann strax. Úr gjafaumbúðunum kom áritað eintak af hinni nýútgefnu barnabók Huldu frænku, Sólskinsbarn.
Þetta vakti mikla undrun og ánægju þar sem ekkert okkar var kunnugt um að Hulda væri að skrifa bók. Bókin sem var verið að lesa var um leið sett til hliðar og fyrsti kaflinn í Sólskinsbarni lesinn.
Innihaldið lofar góðu og óskum við Huldu frænku til hamingju með nýju bókina. Um leið sendir Álfheiður afa sínum og ömmu kærar þakkir fyrir sendinguna í von um að það hafi verið í lagi að taka smá forskot á sumarið.

Myndir frá Nicaragua

2007-04-02T14:52:00.000Z

Sæl öll sömul.

Ég var að setja nokkrar myndir inn á heimasíðuna hanns Gests gdg.barnaland.is
Allt gott að frétta. Gestur í páskafríi frá skólanum og heimilshjálpin byrjar hjá okkur í dag. Svo ætlum við í smá ferðalag á fimmtudaginn og reyna að hafa upp á pabba Saúl til að eiga a.m.k. eina mynd af honum. Saúl hefur engann áhuga á því en mér finnst það mikilvægt.

Kveðja úr sólinni,
Gerður

Gerður systir á afmæli í dag

2007-03-25T13:53:00.000Z

Hjartanlegar hamingjuóskir með daginn Gerður mín. Sendi með að gamni mynd af okkur systrunum sem var tekin í sæluferðinni okkar til France í fyrra.
Bíð spennt eftir næstu ferð. Hafðu það gott. Þín litla systir, Unnur

Komin á staðinn

2007-03-19T18:46:00.000Z

Við erum komin til Nicaragua nú fyrir tæpri viku síðan og ferðalagið gekk vel. Af flugvellinum vorum við keyrð í risastórt hús sem mun verða heimili okkar næstu tvö árin. Til marks um stærðina þá vorum við fram á næsta dag að uppgvötva ný baðherbergi og klósett í því. Þarna eru 4 svefnherbergi, 4 klósett í aðalhlutanum. Svo er herbergi og klósett fyrir þjónustustúlkuna í annari álmu og auðvita klósett í garðinum fyrir vopnaða vörðinn sem er hjá okkur 24 tíma á sólarhring. Auk þessa eru stofur, skirfstofur, þvottasvæði og risastór, yfirbyggð veröng og mikill garður. Hér geta allir komið í heimsókn sem vilja og búið við góðar aðstæður.

Við erum ekki enn komin með gardínur, sem er ágætt því við vöknum þá með sólinni um 6. Ég mæti svo í vinna 7:30 og vinn til 17. Það er fyrsti dagurinn minn í dag svo ég ætla ekki að vera lengi í tölvunni!

Gestur er alsæll hérna, allt fullt af eðlum og maurum, fuglum og bíflugum. Fyrsta morguninn okkar fórum við út í leit að eldspítum og sáum bæði hænu og mús - hann segir það gaman að búa í Nicaragua. Honum líkar líka jafn vel við föðurfólkið sitt og síðast þegar við vorum hérna. Efst á vinsældarlistanum er tía Eunicer sem býr með tengdó í húsinu "okkar" og er ný búin að eignast litla stelpu. Gestur kalla þá litlu ýmist systur sína eða frænku og er mjög hrifinn af henni. Einn bróðir Saúl eignaðist barn í nóvember sem við vorum að frétta af núna - segir margt um það hve barnsfæðingar eru lítill viðburður hér. Tengdó fór að sjá það þegar það fæddist en hefur ekki farið síðan... hummmm.

Saúl er núna að reyna að finna bíl fyrir okkur og tölvu en hvorttveggja er mjög flókið því hvorugt okkar veit neitt um þessa hluti, eða þekkjum neinn hér sem veit eitthvað um þessa hluti. Ég set meira inn á bloggið mitt þegar ég verð komin með tölvu heima, seinna í þessari viku, því ég vil ekki prívatblogga í vinnunni.

Góðar kveðjur úr sól og 36 gráðum (fer hækkandi).
Gerður

Við förum 12. mars

2007-03-05T10:18:00.000Z

Þá er það komið í ljós - við förum næsta mánudag þann 12. mars. Ég vona að ég sjái ykkur sem flest fyrir þann tíma.

Ég var að búa til blogg fyrir fjölskylduna sem verður vonandi áhugavert að lesa þegar við verðum komin út. Slóðin er nicaragua.blog.is

Kveðja,
Gerður

Allir á Skype

2007-02-26T20:06:00.000Z

Sem lið í undirbúningi fyrir Nicaraguaför okkar hef ég hlaðið niður Skype samskiptaforritinu hér hjá foreldrum mínum, með myndavél og alles. Nú bið ég þau ykkar sem eruð með Skype að bjóða mömmu í samband. Skype nafnið hennar er valgerduro. Við fáum okkur svona um leið og við verðum nettengd úti og þá verður nú ekki mikið mál að vera í góðu sambandi.

Ekkert komið í ljós með brottför, en ég geri ráð fyrir að við förum eftir tvær vikur.

Gerður Gestsdóttir de Gutierrez

Við förum til Nicaragua!

2007-02-16T14:22:00.000Z

Loksins er endir bundinn á óvissuna. Ég fékk símtal í morgun og var boðin staðan í Nicaragua. Það þýðir að ég verð í viku á skrifstofu Þróunarsamvinnustofnunar (www.iceida.is) og svo förum við út. Þar verður búið að finna fyrir okkur hús og búa það grunn húsbúnaði. Svo hefst vinnan. Ég verð ráðin í 2 ár til að byrja með og mest 5 ár. Ég setti mér það markmið þegar ég kom úr framhaldsnáminu í Englandi fyrir rúmum 10 árum síðan að ég ætlaði að vinna að þróunarverkefnum í Nicaragua. Með það í huga fór ég oft og mörgusinnum í heimsókn á Þróunarsamvinnustofnun og sagði þeim að byrja á verkefnum þar og ráða mig í vinnu. Nú hefur það gerst! Nú þarf ég bara að vera tekin í viðtal í Laufskálanum, þá hef ég náð öllum mínum markmiðum í lífinu - ekki fertug konan. Þið farið öll að safna núna fyrir farmiða til Nicaragua - við verðum með nóg pláss til að taka á móti gestum.

Kveðja,
Gerður (gestsdottir@gmail.com)

Afmælisstelpurnar

2007-02-08T08:15:00.000Z

Fyrst mér tókst svona vel í gær ætla ég að reyna að setja inn mynd af afmælisstelpunum sem Helga var að senda mér. Þarna eru þær að sýna afmælisgjafirnar (á handleggnum). Þær héldu ekki stórveislur systurnar heldur voru í sínu landinu hvor þegar dagarnir runnu upp. Önnur var í Danmörku og hin á Kanarý. Síðan hittust þær með systkinum sínum og mökum ásamt Sesselju frænku á dögunum og sýndu gjafirnar sem þær fengu frá systkinum sínum og mökum.

Flókið.....

Vona að allir hafi það gott þessa björtu fallegu vetrardaga. Unnur

Unnar Óli átti afmæli 5. feb.

2007-02-07T08:13:00.000Z

Elsku nafni minn. Ég sé að enginn hefur sett inn kveðju til þín svo ég geri það hér með. Skilaðu kveðju í bæinn og hafið það öll sem best. Sjáumst kannski í Bónus.
Unnur frænka.
p.s. Ég bara trúi ekki að ég geti sett þetta inn. Var alltaf í vandræðum í desember. Jónathan ert þú búinn að redda þessu.

Takk fyrir komuna

2007-01-30T07:50:00.000Z

Stutt kveðja til að þakka ykkur fyrir komuna í afmælið hanns Gests. Hann var mjög ánægður með daginn, sérstaklega hafði hann orð á því að Stefán Máni væri skemmtilegur - að öðrum ólöstuðum. Það síðasta sem þessi engill sagði áður en hann sofnaði var "aftur gesti".

Týndi sonurinn

2007-01-27T17:05:00.000Z

Jæja þá er komið að því að fara að fylgjast betur með hér á blogginu og setja inn uppfærslur og breytingar í fjölskyldunni á bloggið. Komst að því í gær að allir litlu frændurnir voru búnir að plana að hittast en Stefán Máni er í Litla Íþróttaskólanum á laugardögum honum til mikillar skemmtunar. :o) Ástæðan fyrir því að ég svaraði aldrei neinum mailum er sú að ég er með nýtt mail. það er unnar_oli@hotmail.com Ég hætti með hina af því ég komst að því að þar er eða alla vega var enginn póstur síaður og greið leið fyrir vírusa. Eða eitthvað svoleiðis.... Annars er allt gott að frétta héðan úr Laufenginu Stefán Máni er alltaf algjör perla og Vala farin að fá góða bumbu :o) Á morgun verður Þorrablót hjá móðurfjölskyldunni hennar Völu. Það byrjar seinnipartinn en við feðgar munum allavega byrja í Engjaselinu og bönkum uppá á slaginu 15:30 í kaffi og mjólk :o) Ég vill líka nota tækifærið og óska öllum afmælisbörnum mánaðarins til hamingju með sína afmælisdaga! það er hver merkisáfanginn á fætur öðrum hjá okkur. Best þykir mér að Óli Dan verður alltaf þessum tæpa mánuði eldri en ég!! :o) Ennfremur vill ég þakka fumburði annarar kynslóðar fyrir fjölskylduræktina.
Sjáumst í Engjaselinu!

Gestur Diriangen á afmæli bráðum

2007-01-24T09:57:00.000Z

Gestur Diriangen verður 3 ára næsta mánudag og tæpum mánuði seinna flytum við úr landi. Í tilefni þess býð ég öllum fjölskyldumeðlimum sem áhuga og getu hafa til að gleðja okkur með návist sinni á heimili okkar, Engjaseli 81, um klukkan 3. Vegna flutningana þá hefur Gestur ákveðið að hann vill ekki fá gjafir, þær færu bara ofaní kassa. En þeir sem vilja gera eitthvað í tilefni dagsins geta fært honum mynd af sjálfum sér eða gefið smáaur til góðgerðamála.

Móðir Gests Dirirangen
Sími 693 6810
gerdur@ahus.is

María, María, María 29. ára

2007-01-17T08:09:00.000Z

Fagra frænka mín varð einu skrefinu nær því að verða þrítug þann 11. janúar sl. og á hún hamingjuóskir skilið fyrir það afrek. Óli Dan frændi óskaði henni auðvitað til hamingju, undir eigin kveðju sem má sjá hér að neðan.

Mér skilst á ný-tæknivæddu móður minni að ástæða þess að engin kveðja kom frá fjölskyldumeðlimum umræddar fegurðardísar sé að fólk sé ennþá í vandræðum með bloggið. Nú ætla ég persónulega að kippa því í liðinn ...

Nú vill ég að allir þeir sem eru í vandræðum með að setja inn nýja post-a eða setja inn athugasemdir að láta mig vita um hæl. Ég ætla að útbúa lítinn "manual" fyrir þetta ágæta fólk sem er í vandræðum. Það ættu allir að geta sett inn fréttir hér án vandræða og nú eru engar afsakanir teknar gildar. Sendið mér póst á jonni(hjá)skapalon.is eða bara hringið í mig í +45 2826 6119.

PS. Meðfylgjandi mynd er af afmælisbarninu og frænda hennar Stefáni Mána, þetta var eina myndin sem ég átti á lager :)

Óli Dan 32 ára

2007-01-09T19:36:00.000Z

Hann er orðinn 32 ára hann sonur minn, Ólafur Daníel blessaður karlinn. Óli Dan er trúbadúr og hefur veitt samferðafólki sínu mikla ánægju með spiliríi. Hann á það til að taka lagið með ungri og efnilegri söngkonu, Álfheiði Unu, og var ég svo heppinn sl. sumar að njóta tónleika þeirra og náði þá þessari mynd hér til hliðar. Auk þess að spila músik finnst Óla Dan gaman að spila á spil, en þó er hans mesta skemmtun að þrasa við föður sinn og njóta þeir feðgar margra ánægjustunda við þá sjálfsögðu fjölskylduíþrótt. Er nú svo komið að afmælisbarnið hefur oftar betur í þeirri íþrótt enda gamli Gráni, faðir hans, kominn af léttasta skeiði hvað þrasið varðar.

Ég óska þér til hamingju með daginn kæri sonur og sendi mínar bestu kveðjur til Jónu og Álfheiðar minnar Unu elskulegrar. Hlakka til að hitta ykkur heil í höfuðstaðnum um komandi helgi.

Pabbi

Rafræn Neytendastofa í fréttunum

2007-01-05T20:58:00.000Z

Fyrir þá sem horfðu á fréttirnar í kvöld þá var frétt um nýja rafræna þjónustugátt Neytendastofu. Það vita það kannski ekki allir en ég (í gegnum idega) fékk það verkefni að hanna rafræna hlutann á síðunni og þann hluta sem um var talað í fréttinni (ekki sjálfa síðu Neytendastofu). Þarna er hægt að senda inn allskonar ábendingar og athugasemdir sem snúa að neytendum á Íslandi. Ef þú ert með gallað fjöltengi eða fannst afgreiðslukonan í Bónus eitthvað dónaleg þá getur þú, á þessari síðu sent inn ábendingu, nafnlausa eða undir eigin nafni.

Fréttina má sjá hérna hérna

Einnig er búið að vera mikið í umtal í fréttunum um nýja fyrirtækið Flugstoðir sem sér um samgöngur í háloftum Íslands frá og með áramótum. Skapalón gerði einmitt síðuna þeirra sem fór í loftið um áramótin (og er reyndar ennþá í vinnslu).

Það má að gamni nefna þriðju síðuna sem Skapalón hefur unnið að síðustu vikur en það er ný síða Askar Capital sem er nýr fjárfestingabanki og hefur einnig verið í fréttum undanfarið. Hún mun opna á næstu dögum.

Kveðjur frá Kaupmannahöfn.

J.

Unnur María fimmtug

2007-01-03T00:33:00.000Z

Í dag er elskulegust litla systir mín orið stór, já orðin fimmtug. Það eru auðvitað stór tímamót í lífi hverrar manneskju að ná þeim áfanga að verða hálfrar aldar gömul.
Það er sem sagt hálf öld liðin frá því að mamma lagðist í sjúkrakörfuna í kjallaranum í Akurgerðinu og var borin út í sjúkrabílinn og pabbi fylgdi með. Eftir stóð amma Sigurbjörg með þrjár systur og lítinn þriggja og hálfs árs snáða sem þarna á sínar fyrstu minningar í lífinu. Og mamma kom til baka með pínulítið barn sem hún sýndi drengnum. Barnið stækkaði og drengurinn stækkaði jafnframt og stærð systurinnar litlu í hjarta drengsins stækkað einnig. Og þannig er það enn þann dag í dag, enda Unnur systir engri lík. Tryggð hennar og umhyggja fyrir ættingjum og vinum lætur engan ósnortinn sem til þekkir.
Ég sendi þér og þínum mínar bestu kveðjur á afmælisdeginum þínum elsku systir og óska þér alls hins besta í framtíðinni með vernd allra góðra vætta sem yfir þér vaka. Hafðið það sem allra best á Kanarí.
Donni bróðir

Elsku mamma mín

2006-12-29T13:17:00.000Z

Þá ertu loksins orðin sextug. Fallegri, fyndnari og skemmtilegri en nokkru sinni fyrr. Þú hefur alið mig upp frá blautu barnsbeini og þegar ég horfi til baka þá verð ég þakklátur fyrir að hafa haft jafn góða og sterka fyrirmynd mér við hlið öll þessi ár. Þú ert alltaf til staðar þegar ég þarf á þér að halda og ég get alltaf leitað til þín ef mig vantar góð ráð.

Hafðu það gott í dag elsku mamma mín og um alla ævi.

Kveðja,

Jonathan

Helga Ólafsdóttir nær merkum áfanga

2006-12-21T17:54:00.000Z

Annað kvöld mun ókrýnd fegurðardrottning Íslands leggja af stað í langferð mikla. Förinni er heitið alla leið til Danmerkur þar sem henni mun mæta hálf dönsk móttökunefnd.

Tilefni ferðarinnar er mjög svo mikilvægt. Það skal haldið upp á þrítugsafmæli þessarar blómarósar frá Njálsstöðum Norðurfirði. Á föstudaginn næsta, 29. desember verður farið út að borða að þessu tilefni og vildi afmælisbarnið koma því til skila til allra sem hringja vilja í hana og óska henni til hamingju með áfangann að hringja í símann sinn sem hún er með hér í Danmörku.

Númerið er hér:
(00) 45 2467 9038

Einnig verður hægt að hringja í heimilissímann sem er (00) 45 3879 6119 og/eða senda henni tölvupóst á jonni@skapalon.is

Ég vill sjálfur nota tækifærið og óska henni móður minni ynnilega til hamingju með afmælið í næstu viku. Hlakka til að fá þig annað kvöld.

Arfurinn

2006-11-29T20:44:00.000Z

Það er öllum fjölskyldum nauðsynlegt að eiga verðmæta hluti, hluti sem ganga kynslóð fram af kynslóð í erfðir. Best er auðvitað þegar hlutir erfast eftir einhverju kerfi, milli kynslóða t.d í beinan karl- eða kvenlegg. Nú eða milli nafna eða frumburða. Við erum heppin fjölskylda, Akurgerðis-fjölskyldan. Góða eigum við gripi marga, en einn þeirra er þó sínu bestur og hann gengur í erfðir eftir ákveðnu kerfi. Frumburðir fjölskyldu okkar eru bornir til erfða.

Maður var nefndur Njáll og var Guðmundsson, hann reisti nýbýlið Njálsstaði í Norðurfirði í Árneshreppi á Ströndum. Njáll var smiður góður og smíðaði í smiðju sinni á Njálsstöðum rétt fyrir 1940 kistil góðan. Kistilinn gaf hann sonardóttur sinni, frumburði sonar síns Gunnars og konu hans Valgerðar Guðrúnar. Þetta var ættmóðir Akurgerðis-fjölskyldunnar, Súsanna Margrét, sem fékk kistilinn á fermingardaginn hennar um 1940. Njáll lést 7. janúar 1941. Hann skrifaði með gjafabréf þegar hann færði sonardóttur sinni þetta "kúfort" eins og hann kallaði gripin og bað henni allrar blessunar.

Það bar svo við síðastliðið sumar, að frumburður 3ju kynslóðar Akurgerðis-fjölskyldunnar, Súsanna Margrét, náði þeim merka áfanga að verða fertug. Af annarri kynslóð var hún því talin nógu þroskuð til að axla þá ábyrgð sem því fylgir að móttaka og varðveita erfðagripinn góða, kúfortið frá Njálsstöðum. Mætti önnur kynslóð fjölskyldunnar öll ásamt tiltækum mökum til Súsönnu Margrétar og afhenti henni kúfortið við hátíðlega athöfn með viðeigandi ræðuhöldum og guðsblessun, líkt og langa-lang afi hennar hafði beðið ömmu hennar og nöfnu tæpum 70 árum áður. Var athöfnin og veislan sem fylgdi ógleymanleg öllum þeim er þar voru.

Stígvélaði kötturinn

2006-11-06T10:24:00.000Z

Hæ bloggarar og velkominn heim bró og frú.Spjallaði við systir í Lyon og sagði hún mér að nú ætti að fara á fjalirnar fyrir norðan nánar tiltekið á Akureyri leikritið Stígvélaði kötturinn.Var að því tilefni haft samband við systur í Lyon því óskað var eftir umsögn um hana í leikskrána.Þannig að það er svona "resume" um Huldu mína í leikskránni,Kanski Óli og Jóna fari með Álfheiði í leikhús og smelli sér á eina leikskrá.
Annars allt gott hér á bæ,vona að svo sé hjá ykkur hinum líka
hELGA

Myndir frá France

2006-11-01T12:14:00.000Z

Jæja loksins kemur afmælismyndin fyrir Þór. Einhver tæknimistök í sendingu á mánudaginn en tókst í gær.

Sendi með í leiðinni mynd af okkur að borða hið rómaða Lyonese sallat sem við slefuðum yfir eins og sjá má. Það gáfu sér ekki allir tíma til að líta upp frá krásunum.

Bestu kveðjur til ykkar allra. Er með hugan hjá Donna og Maggý í vetrar (haust fríi) í Barcelona.

Unnur

Þór átti afmæli í gær.

2006-10-30T21:38:00.000Z

Elsku Þór.
Til hamingju með daginn í gær. Vonandi hefur þú og þið notið hans með Odd Inga hjá ykkur í heimsókn. Ég ætlaði að senda mynd af ykkur hjónum síðan í sumar er við heimsóttum ykkur til France en tölvan er svo lengi að hlaða henni inn. Reyni það kannski í vinnunni á morgunn. Bestu kveðjur og hafið það gott. Unnur

Linda 17 ára

2006-10-19T08:17:00.000Z

Þá er litla stúlkan mín orðin 17 ára. Til hamingju með það Linda mín. Mundu svo að aka varlega í framtíðinni.

Við systkinin minntumst þess líka í gær að foreldrar okkar hefðu átt 59 ára brúðkaupsafmæli hefðu þau lifað. Í nokkuð mörg ár hittumst við alltaf í tilefni þess. Fórum út að borða t.d. Ég hef tekið þennan sið upp hjá okkur í fjölsk. þannig að börnin muna alltaf brúðkaupsdaginn okkar.

Hafið það öll sem best,
Unnur

Nýja Jórvík

2006-10-18T07:55:00.000Z

Góðan daginn.

Langaði að deila með ykkur nokkrum myndum úr ferð okkar Erlu til New York. Við lögðum í ferð þessa ferð 4 okt sl. og vorum í 6 daga. Þeir sem hafa einhverntíma komið til New York vita að þessi borg sefur aldrei og það er alltaf eitthvað að gerast. Ég þarf örugglega mánuð í að melta allt úr þessari frábæru ferð.

Ég skrifa svo eitthvað skemmtilegt á næstunni um það helsta sem er að gerast hér hjá okkur hér í Kaupmannahöfn.

Auglýst eftir Donna bró

2006-10-09T14:11:00.000Z

Donni minn..við systur Helga + Valgerður höfum verið að velta því fyrir okkur hvar þú gætir eiginlega verið, en erum helst á því að það sé svona svakalega mikið að gera hjá þér,það er að veltast fyrir okkur næsta matarboð.Kanski að fara eitthvert út svona að breyta aðeins til og eru flestir sammála um það.En kanski maður slái bara á þráðinn í Ljósaland og heyri í frú Magneu og fái þar með upplýsingar um þig.
Heyrum vonandi frá þér bráðlega eldhressum og kátum
Helga sis

Jarðaberjakappátið mikla

2006-10-06T09:46:00.000Z

Helga var ekki að ýkja þegar hún sagði að drengirnir gleyptu öll jarðarberin í sig á mettíma. Hér er sönnunargagn númer eitt:

Á milli ávaxtaáts og svalahlaups skemmtu þeir sér líka mjög vel (sjá sönnunargagn númer tvö):

Takk fyrir okkur!

Helga passar ömmubarn

2006-10-05T13:35:00.000Z

Jæja börnin komu sl.föstud.kv.heimsóttu mig í vinnuna á laugard.og var gaman að sjá þau.GI aldeilis stækkað og fullorðnast og farinn að tala miklu meira.Svo var hann hjá ömmu á laugardeginum og það var sko gaman hjá okkur.Það var eldaður kvöldmatur en ekki veit ég hvernig maður fór að þessu hérna áður fyrr,það var svo mikið að gera hjá mér,en hann svo góður gullið mitt..ég lagði hann til að sofa kl.20.og lá hann og slúðraði við sjálfann sig til kl.21.EN VINURINN VAKNAÐI 6.30 eins og Erla var búin að vara mig við,þá lá hann og sönglaði í rúmminu til 7.30 eitthvað var honum farið að leiðast þá og lét ömmu vita af sér..nema þá fékk hann að koma uppí til ömmu og tók hann tuskudýrin með og lá svo án þess að hreyfa sig til 8.30..Alveg ótrúlegt.En þá var líka komið mál að fara framm sem og var gert...'I frammhaldi að því stöðluð morgunverk..SVO gerðist það skemmtilega Hafsteinn og Gestur komu í heimsókn.. því miður komst ekki Stefán Máni.Þeir áttu mjög vel saman frændurnir Og je minn fjörið hjá þeim það var farið út á svalir og hlaupið öskrandi eins hátt og þeir gátu hvað eftir annað,þeir fengu jarðaber og uppstóð kappát hver fengi nú mest þeim fanst þetta svona gott og fl.gæti ég talið upp.En middags lúrinn var góður eftir þessi ævintýri.Kvaddi hann svo ömmu seinna um eftirmiddaginn í fínu formi.Hann faug svo austur með Gurru ömmu í gærmorgun og foreldrarnir skelltu sér ti NY seinn um daginn og koma nk.miðvikudags morgun til baka.Ég er strax farin að hlakka til að sjá þau aftur....En ég verð að segja ykkur ég fór í bankann í morgun að taka út moný af einum af mínum reikningum og þá segir daman JÁ heiðursfélagi... ha hvað er nú það segi ég..það eru þeir sem eru orðnir 60 ára og eldri...ég fékk algjört hláturskast þarna í bankanum..60 ára og eldri takk skal du 'ha.
Jæja þetta er nú gert meira að gamni að skrifa þetta á bloggið,hafið það gott elskur
kv. Helga sis

Nýjar myndir

2006-09-27T22:30:00.000Z

Þá er ég loksins búin að uppfæra heimasíðuna okkar. Hún hefur verið vanrækt upp á síðkastið. Nú er hún his vegar uppfull af skemmtilegum myndum sem hafa ekki áður komið fyrir sjónir almennings. Exclusive behind the scenes myndir úr sumarfríi the Gudmundsson family. Vek sérstaka athygli á myndbroti af Gesti og Hafsteini í miklu stuði í Laugarholtinu (sjá júlí albúm). Annars er ekkert að frétta...

HEIMASÍÐAN OKKAR

Gestur 59 ára!

2006-09-13T17:22:00.000Z

Afmæli eru daglegur viðburður í þessari fjölskyldu. Í dag á þessi myndarmaður afmæli:

Til hamingju með afmælið!

80 ár frá fæðingu Súsönnu Margrétar

2006-09-12T08:24:00.000Z

Á þessum degi fyrir 80 árum fæddist hjónunum, Gunnari Njálssyni, bónda á Njálsstöðum í Árneshreppi á Ströndum, og konu hans Valgerði Guðrúnu Valgeirsdóttur, frumburður dóttir sem þau gáfu nafnið Súsanna Margrét. Hún ólst upp í fögru landslagi Stranda, þar sem lífsbaráttan var oft erfið. Kynntist hún ung sveini að sunnan, sem kom norður í hreppinn hennar til að vinna við uppbyggingu síldarverksmiðjunnar að Eyri við Ingólfsfjörð. Þessi piltur var Ólafur Ingi Jónsson og saman fluttu þau suður til Reykjavíkur. Þau giftu sig 18. október 1947. Hún var mjög rómantísk í hugsun, unni íslenskri sagnahefð, var elsk af ljóðum og kvæðum og miðlaði áhuga sínum til barna og barnabarna. Henni féll aldrei verk úr hendi var ávallt með eitthvað á prjónunum ef ekki var verið í eldhúsi eða annars staðar að sinna heimilisstörfum. Hún var réttsýn kona og laðaði að sér samferðafólk. Hún veiktist af þeim hræðilega sjúkdómi, heilabilun, og lést 30. apríl 2002. Blessuð sé minnig Súsönnu Margrétar Gunnarsdóttur.
Donni.

Amma 80 ára

2006-09-12T08:16:00.000Z

Í dag er 80 ártíð ömmu og margar hugsanir og minningar sem koma upp í hugann. Þeir sem þekkja mig vita að ég trúi ekki á neitt sem ég get ekki bitið í og alls ekki á líf eftir dauðann - því miður. En í gærkvöldi sótti amma ótrúlega sterkt að mér, ég heyrði hana meira að segja tala við mig. Samt áttaði ég mig ekki á því að hún ætti afmæli fyrr en ég kveikti á tölvupóstinum í morgun.... Ég ætti kannski að endurskoða þessa efnishyggju í mér því amma er svo sannarlega mætt í tilefni dagsins.

Litla gull

Jóhann Einar 105 ára

2006-09-10T20:03:00.000Z

Þeir áttu afmæli í gær, 9. september, nafnarnir Jóhann Einar eldri og Jóhann Einar yngri. Sá eldri hefur nú ár um áttrætt og þann yngri vantar ár í aldarfjórðunginn.
Til hamingju piltar!
Donni

Afmæli Álfheiðar og Magneu

2006-08-27T23:47:00.000Z

Þær áttu afmæli í dag, afastelpan mín hún Álfheiður Una orðin fjögurra ára og frú Magnea er einnig orðin fjögurra ára og rétt rúmlega það. Ég óska báðum konunum mínum til hamingju með daginn.
Donni

Sumarið í hnotskurn

2006-08-18T20:13:00.000Z

Jæja þá er komið að daglegum.... nei vikulegum... mánaðarlegum... humm, það er kannski einhverjir dagar á milli. Þegar fréttist síðast af okkur Eyfirðingunum þá komum við á ættarsamkomu afkomenda Ólafs og Margrétar í Akurgerði. Don-Indí hefur gert því góð skil.

Við héldum af Akurgerðis-mótinu á annað ættarmót í Sandgerði. Þar var sopið, sungið og trallað eins og suðurnesja-mönnum sæmir. Þá tók við 2 vikna Spánarreisa á Torre La Horadada. Þar lifðum við eins og blóm í eggi í yndislegum rólegheita smábæ sem er nánast laus við það sem kalla mætti Euro-túrisma. Þar sem bærinn einkenndist af Spánverjum í sumarfríi. Allt í einu voru spænskar orða- og frasabækur orðnar nauðsynlegar þar sem varla fannst sá starfsmaður í verslun eða matsölustað sem kunni stakt orð í Ensku. Þetta þótti okkur voðalega notalegt. Það þurfti þó ekki annað en að ganga um 1 km. til norðurs til að stendurnar fylltust að næpuhvítum, ljóshærðum eða rauðhærðum Norðurevrópubúum með tilheyrandi túrisma-skrumi.

Helgina eftir að við komum heim var framkvæmdahelgi á ættaróðali Jónu, Ystu-Vík. Þar var áratugauppsafn af rusli og gersemum týnt ofan af háalofti. Að því loknu var gömlu heyi og viðarkurli skipt út fyrir nýtísku steinull. Þetta tók nú á taugarnar hjá Sigurði bónda enda annálaður fylgismaður andhendistefnunnar. En þegar þetta var afstaðið var ekki laust við að hann væri bara sæmilega sáttur.

Nú rann verslunarmannahelgin í garð og Don-Indí gerði sér dagamun og skrapp norður yfir heiðar til að hitta afkomendur sína. Jóna var skilin eftir á Akureyri og látin vinna við afgreiðslustörf eins og sæmir um verslunarmannahelgi. Don-Indí, Óli og Álfheiður héldu á vit ævintýrana austur í Öxarfjörð. Þar átti að tjalda í Ásbyrgi og hlýða á Sigur-Rósar tónleika.

Eitthvað vorum við sein fyrir því að þegar við komum á svæðið kom það í hlut Kristjáns Inga hjálparsveitarskáta að vísa okkur frá tjaldsvæðinu sem var orðið fullt. Hann sendi okkur þess í stað á túnið á Meiðavöllum þar sem við tjölduðum meðal heimamanna. Jóí-Jones mætti einnig á svæðið og var vísað sömu leið.

Tónleikar Sigur-Rósar voru frábærir sem og gleðin sem stóð fram undir morgun fyrir utan tjaldið okkar. En við höfðum tjaldað afsíðis svo við fengjum frið ef lætin yrðu mikil. Svona dregst gleðin að sumum.
Daginn eftir kíktum við í Hljóðakletta og Svínadal ásamt Kidda og gistum á Daðastöðum.

Don-Indí lét þau orð falla að nú væri kominn tími á að hann gæfi sonardóttur sinni hjól þar sem hjólið hennar var ónýtt. Tækifærið var því gripið á hjólaútsölum í Hagkaupum eftir verlsunarmannahelgi. Fyrir valinu varð bleikt "Prinsessu" hjól sem Álfheiður fékk í fyrirfram afmælisgjöf frá afa og ömmu í Ljósó. En áður en náðist að prófa það almennilega og taka myndir brast enn ein helgin á og að þessu sinni með ættarmóti í Ystu-Vík.

Á ættarmótinu vor saman komnir afkomendur Hólmgríms og Margrétar, afa og ömmu Jónu. Ekki vantaði afþreyingu, en þarna var fiskað, farið á hestbak, Ystu-Víkurfjall klifið, varðeldur með gítarspili og söng og systrum Sigurðar afhent bréf og munir sem þeim tilheyrði af háaloftinu í Ystu-Vík.

Í vikunni gafst svo tími til að prófa nýja hjólið en það mátti ekki öllu muna því Álfheiður lagðist með flensu en er að braggast þegar þetta er ritað. Að lokum vil ég óska öllum til hamingju sem átt hafa afmæli að undanförnu en ekki fengið kveðjur frá okkur sökum óheyrilegrar bloggleti.

Gerður litla gull á afmæli í dag

2006-08-14T11:16:00.000Z

Elsku frænka.
Til hamingju með daginn. Vonandi verður hann góður og skemmtilegur og þú njótir hanns í botn.
Bestu kveðjur, frá Unni

Birgir mágur kominn á sextugsaldurinn

2006-08-10T00:15:00.000Z

Ég vek athygli fjölskyldunnar á því að Birgir mágur minn varð fimmtugur 21. júlí sl. og komst þannig í hóp okkar heldr.... eldri einstaklinganna sem viðeigandi virðingu hljóta meðal hinna yngri í fjölskyldunni. Birgir var "að heiman" þennan dag. Var staddur í fögrum fjallasölum S-Þýskalands með afmælisgjöfinni sem ég gaf honum fyrir margtlöngu, nefnilega systur minni elskulegastri, Unni Maríu. Birgir er mikilsmetinn meðal okkar fjölskyldumeðlima og er einn örfárra sem má skarta því að teljast Indí. Hann hefur auðvitað marga fjöruna sopið um æfina, en best finnst honum þó að súpa öl, smakka eðal viskí og lykta góð koníök.
Við óskum vini okkar hjartanlega til hamingju með áfangann og lyftum glasi honum til heiðurs líkt og "óþekktur" gerir hér að ofan.
Sall mágur!!!!
Jónki

Hulda systir á afmæli í dag

2006-08-09T09:15:00.000Z

Jæja enn er komið að 9. ágúst sem oft hefur skartað skemmtilegum viðburðum þegar systirin síkáta færist upp um ár í aldri. Til hamingju með daginn elsku systir.

Donni bró

ÚTGÁFUTÓNLEIKAR

2006-08-08T18:28:00.000Z

Vegna útgáfu ljóðabókarinnar Söngvar ætlar Þór að halda útgáfutónleika í Frumleikhúsinu v/Vesturbraut í Keflavík fimmtudaginn 10. ágúst kl. 20:30
Húsið opnar kl. 20:00
Vonumst til að sjá sem flesta.
Kveðja, Hulda

Indí í Akurgerði

2006-07-24T01:03:00.000Z

Í útlöndum er til svaka klár karl sem heitir Indí Jóns. Hann
"eltist við bófa og ræningja
og kemur í hendur á fógeta"
eins og segir í hinu ástsæla ljóði um Roy Rogers.
Á Íslandi eru til tveir Indíar. Þeir heita Big-Indí og Don-Indí.

Hér sjást þeir með Big-Indí og Don-Indí með Gest-ekki-Indí, en hann reyndist of höfuðstór til að geta orðið Indí.

Einu sinni fór Don-Indí í Akurgerði til að leggja próf fyrir 3ju og 4ðu kynslóð Akurgerðisættarinnar um hvort þau gætu orðið Indí.

Hér kemur Don-Indí í Akurgerði tilbúinn að leggja þrautirnar fyrir ungliðana. Þær voru margháttaðar og allar erfiðar. Fyrsta þrautin var að geta setið kjurr hjá mömmu í eina mínútu.

Öll leystu þessa þraut með sóma. Þá var komið að næstu þraut sem var að geta leikið í sandinum í 3 mínútur án þess að smakka á sandinum.

Ekki verður annað sagt en þessa þraut hafi þau einnig leyst með sóma.

Nú var komið inn á sérsvið. Gestur kaus að reyna að standa kjurr.

Frábært hjá honum. Náði 45 sek í kyrrsöðu sem er Akurgerðismet.

Hafsteinn lét ekki sitt eftir liggja. Hans sérgrein er tröppugangur.

Alveg meiriháttar. Einn og óstuddur. Keep on walking Hafsteinn!!!

Snemma beygist krókur. Álfheiður Una valdi mjög erfitt atriði. Að týna saman 100 sóleyjar í vönd og færa bústaðnum.

Þetta tókst henni og ekki bara einu sinni heldur fyllti hún bústaðinn blómum.

Nú var komið að lokaþrautinni. Sápukúlublástur. Þrautin er 10 sápukúlur í einum blæstri.

Já Álfheiður, þær eru flognar.... og Hafsteinn koma svo..... þetta er alveg að gera sig.... klára hana þessa...... Ah... jæja það gekk ekki núna en gengur betur næst.

Niðurstaðan hjá 4ðu kynslóð er að Álfheiður og Gestur náðu gráðu í að verða Indí en Hafstein vantaði síðustu sápukúluna. Hann verður því að bíða næstu keppni. Hin skörtuðu húfunni eftirsóttu.

Þau bera því hér eftir nöfnin Álf-Indí og Gest-Indí.

Auðvitað var lögð þraut fyrir 3ju kynslóð. Piltunum var falið að finna aðal muninn á rótarhnyðjunni frá Krossnesi sem er uppstillt í Akurgerði og ástarguðinum í Flatey.

Þrátt fyrir miklar pælingar piltanna gátu þeir ekki fundið muninn og fá því ekki að bera hattinn. Er ljóst að hér hefur eitthvað farið úrskeiðis í uppeldi þessara pilta og ekki að vænta fjölgunar 4ðu kynslóðar frá þeim fyrr en foreldrar þeirra hafa kennt þeim að ráða við þraut sem þessa.

Stúlkurnar fengu einnig verðugt verkefni en það var að telja grösin á Ólafsvelli og höfðu þær til þess heilar 15 mínútur.

Þrátt fyrir yfirlegu tókst ekki að fá fram fjöldann að þessu sinni og engin húfa til þeirra. Niðurstaðan var því klár og kominn tími fyrir Don-Indí að kveðja söfnuðinn.

Að lokum tók Álf-Indí upp gítarinn

og allir sungu saman.

Verið ekki hvumpin frændi og frænka

þótt fáið nú ekki hattinn höfuð á.

Ljóst má vera að liggur ekki í leynið

að þið eruð öll Indí inn við beinið.

Nú er bara að bíða eftir næstu keppni kæru ættingjar.

Ykkar einlægur,

Don-Indí

Susanna Margret Gestsdottir 40 ara

2006-07-16T21:41:00.000Z

Elsku Margrét frænka okkar.
Innilega til hamingju með þennan merka aldursáfanga.
Það er eins og gerst hafi í gær...
Við sitjum hérna systurnar og Þór og skiljum ekki hve hratt árin hafi liðið!!!
Við vonum að þú hafir átt ánægjulegan dag í Flatey og siglingin hafi gengið
að óskum í sól og sumaryl.
Bestu kveðjur til ykkar allra.
Helga, Hulda og Þór.

2006-07-16T21:40:00.000Z

Eldhúsborð og stólar

2006-07-12T08:07:00.000Z

Hulda hringdi í mig í gær og sagði að Unnar Óli og Vala væru búin að fá sér borðstofuborð og stóla og vantar því að losna við eldhúsborðið og stólana sem mamma og pabbi voru með í Álfheimunum. Ef einhvern vantar borð og stóla er um að gera að tala við Unnar Óla.
Unnur

Valgeir 25 ára

2006-07-12T08:05:00.000Z

Elsku Valgeir !
Hjartanlega til hamingju með 25 ára afmælið. Hafðu það gott og góða ferð og skemmtun út í Flatey.
Unnur frænka

Fjölskyldan talnaglaða

2006-06-30T20:33:00.000Z

Eins og vel er vitað hefur þessi ágæta fjölskyla gaman af tölum. Þess til sönnunar þarf aðeins að opna tölfræðibókina góðu uppi í Akurgerði ...

Að baki blogginu okkar liggur nú öflugur teljari sem fylgist vel með öllum gestum sem hingað leggja leið. Þótt aðeins sé liðin rétt rúm vika frá því að mælingar hófust þótti mér við hæfi að deila með ykkur fyrstu tölunum.

Síðustu 7 daga hafa 142 gestir heimsótt síðuna og fóru fram 303 flettingar. Skiptingin er eftirfarandi:

Ísland: 124

Gullbringusýsla
1. Reykjavík: 82
2. Kópavogur: 26
3. Stóra-Vatnsleysa: 14
4. Garðabær: 1

Eyjafjarðarsýsla
1. Akureyri: 1

Frakkland: 9

Danmörk: 5

Bandaríkin: 2

Bretland: 1

Belgía: 1

... og þar hafið þið það :)

Una Helga (19) á afmæli í dag

2006-06-28T09:39:00.000Z

Elsku frænka
Til hamingju með daginn. Vona að þið frænkurnar hafið skemmt ykkur vel með STÓRA bróður og STÓRU frændunum um helgina. Áttu góðan dag. Það er allavega fallegt veður.
Unnur frænka

"Þettel flábælt!"

2006-06-26T19:12:00.000Z

mælti Gestur Dirangen (2) þegar hann leit yfir Ólafsvelli á laugardaginn þar sem frændfólk hans spilaði fótbolta og sleikti sólskinið, en sápukúlurnar þyrluðust frá Álfheiði Unu (3) og Hafsteini Yngva (2). Jóhann Einar (23) hélt áfram að fagna þeirri gæfu að fá nú að fara að vinna að gerð líkhúss í Grafarvogi en Una Helga (18) drakk af viskubrunni Gerðar (36) sem hefur marga fjöruna sopið hvað varðar utanlandsferðir nýlega eins og fram hefur komið á þessari síðu. Súsanna Margrét (39), expert chez le Conseil d'Europe (á nafnspjald til sönnunar), var sú eina af þessu hörkuliði sem henti sér í döggina þegar líða tók á Jónsmessunótt ("Rallhálf í runna") og náði þar fágætu jarðsambandi sem nýtast mun til góðra verka næsta árið. María (28) gat ekki gleymt meistaranámi sínu í bókmenntafræði eitt augnablik og eyddi því drjúgum tíma í að greina skáldverkið "Ástir aðstoðarlæknis á háls-, nef- og eyrnadeild" en það rit hefur alls ekki hlotið þá athygli sem því ber með réttu. Fulltrúar landsbyggðarinnar, Ólafur Daníel (31) og Jóna Bergþóra (31), stóðu sig manna best í eldamennsku á föstudagskvöldinu en varð heldur betur á í messunni þegar þau lögðu af stað í bæinn næsta dag: Kl. 15:15 uppgötvaði Ólafur að hann hafði gleymt sólgleraugunum sínum og hringdi í föður sinn, Jón (53). Kl. 15:16 fann Jóhann Einar gleraugun. Kl. 15:17 var hringt í Ólaf til að færa honum fréttirnar. Fjölskyldunni tókst sem sagt að leysa málið á tveimur mínútum sléttum.

Vonandi verðum við ennþá fleiri saman að ári - því að eins og ég hef nefnt áður er ómetanlegt að eiga fjölskyldu sem maður ekki aðeins nennir að eiga samskipti við heldur finnst beinlínis bráðskemmtileg.

Myndir frá Nicargua o.fl.

2006-06-26T15:29:00.000Z

Þakka hlýhug í garð bóndans sem vill sem minnst vita af afmælinu - honum finnst hann vera svo gamall....
Helgin var góð og notarleg samvera sem við áttum saman þótt lítið færi fyrir formlegri dagskrá.
En ég vil láta ykkur vita að loksins eru komnar nýjar myndir á Barnaland og þær eru úr Nicaragua ferðinni. http://www.gdg.barnaland.is/

Helgin

2006-06-26T13:45:00.000Z

Fyrir hönd þriðju og fjórðu kynslóðar þakka ég fyrir afnot af bústaðnum um helgina. Við Gerður og afkvæmi fórum uppeftir á föstudeginum, Margrét var komin á undan okkur. Svo bættust Óli Dan, Jóna, Álfheiður Una, Donni, Jóhann Einar og Una Helga í hópinn seinna um kvöldið. Á laugardeginum komu Kolli, Saúl, Valgeir, Oddur Ingi, Sigrún og Linda María.

Mæting í prósentum var því eftirfarandi:

Valgerður: 3. ættiliður 100%, 4. ættliður 50%
Hulda: 3. ættliður 50%
Donni: 2. ættliður 100%, 3. ættliður 75%, 4. ættliður 100%.
Unnur: 3. ættliður 67%.

Við gerðum margt og mikið skemmtilegt og að sjálfsögðu nóteruðum við tímann í hvert skipti sem eitthvað markvert gerðist, til að það mætti færa niður í dagbókina góðu. Ég veit hins vegar ekki hvort það hafi verið gert, því við barnafólkið létum okkur hverfa seinni part laugardags, en skildum barnleysingjana eftir.

Nú kalla ég eftir myndum frá helginni.

Takk fyrir okkur!

Og Saul á afmæli í dag

2006-06-26T11:04:00.000Z

Hamingjuóskir með daginn í dag kæri Saul. Vonandi áttu góðan dag og vonandi var gaman hjá ykkur í Akurgerðinu þó það hafi verið stutt stopp hjá sumum. Bið að heilsa frúnni og litla kallinum.

Vala Rún á afmæli

2006-06-25T18:33:00.000Z

Ég er ekki að standa mig, gleymi að setja afmæliskveðju á bloggið svo allir geti haft afmælisdaginn hennar Völu á hreinu!!!
Geri það hér með.
Vala mín, við Þór sendum okkar bestu afmælisóskir og vonum að þið hafið átt góðan dag fjölskyldan.
Hlökkum til að koma til ykkar. Það styttist í það!
Hulda og Þór

Nakin í dögginni ...

2006-06-22T16:32:00.000Z

Ég stenst ekki mátið að benda (frænd)systkinum mínum á þá staðreynd að aðfararnótt laugardags er JÓNSMESSUNÓTT. Nú gefst sem sagt fágætt tækifæri til að velta sér nakin upp úr borgfirskri dögg eftir miðnætti og endurfæðast þar með á allan hátt. Með þessa staðreynd í huga hyggst ég bruna í Akurgerðið á föstudegi, hlakka til að hitta þar fyrir Óla Dan group og skora á fleiri að nýta sér þetta einstaka tækifæri. Eldri kynslóðin getur kannski bent á góðan blett á landareigninni sem er ekki í augsýn nærsveitarmanna?

2006-06-22T11:21:00.000Z

Er ekki bara yndislegt þegar sólin loksins lætur sjá sig maður lifnar allur við og allt verður svo jákvætt.Og úr því maður var orðinn svona jákvæður þá skellti maður sér á netið og bókaði og borgaði jóla/afmælis ferð til Köben í desember.Svo nú verður það ekki aftur tekið.Það verður seint sagt að maður sé tölvu snillingur eða blogg snillingur,ætlaði aldrei að fatta hvernig maður á að gera þetta,sjálfsagt er enginn titill á þessum hugrenningum mans.En hvað um það,þetta er til að hafa gaman að.
Sólskynskveðjur
Helga sól

Donni á afmæli í dag

2006-06-19T09:34:00.000Z

Elsku stóri bróðir.

Til hamingju með daginn. Mátti til með að senda mynd af ykkur mágunum síðan í France.

Hafðu það gott og njóttu dagsins.

Þín Unnur

Sjaldséðir eru hvítir hrafnar og Óli Dan á blogginu

2006-06-19T00:22:00.000Z

Jæja ég skrattaðis loksins til að ná mér í nýtt lykilorð á bloggið þar sem mér var algerlega frábeðið að muna það sem ég valdi forðum daga.

Af okkur er náttúrulega allt það besta að frétta og lifum við sem blóm í eggi norður á Akureyri. Vorum að koma frá Raufarhöfn þar sem við vorum viðstödd skýrn á tvíburunum Rafael og Elías sem eru systursynir Jónu. Nú er hún orðin guðmóðir þeirra og um leið helming barna þeirra systra ef ég man rétt.

Hvað varðar ættarmót þá skiptir það okkur ekki öllu hvoru megin það lendir við mánaðarmótin við verðum í báðum tilfellum á ferðinni á suðvesturhorninu. Við getum reyndar ekki lofað fullri þáttöku fram á laugardagskvöld. Við mundum koma á föstudegi og gista og dvelja eitthvað fram á laugardaginn.

Mamma gamla er nefninlega að útskrifast sem kennari um næstu helgi og verður með eitthvað húllum hæ í bænum. Mánudaginn eftir þrjár helgar erum við svo á leið til Spánar og gætum náð tveimur ættarmótum með góðri skipulagningu ef ákveðið verður að halda það þá. Fjölskylda Jónu er þá með ættarmót í Sandgerði en við myndum reyna að kíkja á báða staði.

Ferðin til Lyon

2006-06-15T21:44:00.000Z

Löngu hefur verið boðað hér á Akurgerðissíðunni að "Fjölskyldan ferðaglaða" hyggði á ferð til hjarta Frakklands, sem er land sem nú hýsir systur systkinanna, Duddubarn, og hennar ektamaka, lærimeistara franskra og ljóðskáldið góða Þór Stefánsbur. Fór jafnvel sá, er þennan pistil færir á alhemsnetið, forðum á algert flug hér á síðunni í væntingum sínum til ferðarinnar. Það var svo Dudda Group Travelbureau, en það er þekkt ferðaskrifstofa í Lyon, sem Johnny Rejser, ferðaskrifstofan hér heima, sem skipulagði ferðina heiman og heim ásamt samningagjörð allri við hótel og aðra ferðaaðila í Lyon, réðu til að annast um skipulag og daglegar ferðir meðan á ferð systranna ásamt bróður og mökum þeirra stóð. Óþarf er að fjalla um framlag Johnny Rejser, allir sem til þekkja vita að þar ráða ferð ofurmenni á sínu sviði. Hitt var sínu ánægjulegra að hin líttþekkta ferðaskrifstofa hér heima, DGT, sem við höfðum aðeins heyrt um af afspurn þeirra sem notið höfðu leiðsagnar hjá, sendi okkur skipulag þeirra daga sem við ætluðum að dvelja í Lyon. Er engu logið þegar ég segi, að ég hefði alls ekki getað gert betur í skipulagningu á ferð þar sem tekið er tilliti til allra þátta mannlegra væntinga til ferðar sem þessarar.
Eins og við var að búast kom framkvæmdastjóri DGT hingað upp á Ísalandið og sótti okkur hreinlega og fylgdi út til Lyon um Standsted flugvöll. Dagarnir liðu svo í nánast þægilegum draumi, góðu veðri, fallegu umhverfi og auðvitað frábærum félagsskap. Sé stiklað á stóru, okkur gamlingjunum til upprifjunar, þá fór miðvikudagurinn 24. maí í ferðina út undir stirkri leiðsögn fararsjórans Duddu barns og endaði í velkomstdrykk og kvöldverði hjá hennar ektamanni.

Daginn eftir voru þau hjón mætt og tóku okkur upp í hæðirnar yfir gamla bænum þar sem við litum á rústir eftir Rómverja, en þeir stofnuðu til þessarar borgar fyrir margt löngu, þar sem hún lá vel við samgöngum á ármótum Rhóne og Saóne. Fegurð systranna kallaðist á við formfegurð þessara glæstu mannvirkja sem Rómverjar létu eftir sig þarna.

Svo var Maríukirkjan skoðuð, sú fyrsta af fjölmörgum sem við áttum eftir að njóta kyrrðar og svala í á ferðum okkar. Við skoðuðum æfaforn húsaport og fengum okkur hið mjög svo rómaða Lyonesse-salat. Sumir þurftu þó ávallt að "vera í góðu sambandi."

Að afloknum kvöldverði var frjáls drykkja, en mikið var mjaðarins notið.

Daginn eftir var farið í Téte d'or garðinn. Þýddi þetta ekki Gullna hliðið? Það var allaveganna gulli slegið hliðið að garðinum. Var þarna notið alls þess sem piknik-túr hefur upp á að bjóða, gott brauð með ostum og patéum og rauðvíns gnógt, enda nutum við þess í góða veðrinu. Sumir þurftu raunar að kalla: "Valgerður! Hvar er vínglasið mitt", og þá hugsaði mín, "Nú vill hann að ég komi og kyssi sig.......", eða þannig var það nú í den.

Við þurftum auðvitað að vera í góðu sambandi við umheiminn meðan á dvöl okkar stóð og textinn sem var sendur sem sms-skilaboð allt til stranda ísakalds ættlands vors, eða til fyrrum höfuðborgar vorrar í Danaveldi og jafnvel til heitra eyja í gríska eyjaklasanum var eitthvað á þessa leið: "Höfum átt hér yndislega daga í yndislegu veðri, jöklarnir skörtuðu sínu fegursta...."

Já við vorum sólskinsbörn, Fjölskyldan ferðaglaða, í þessum túr og blómadýrðin sem umlék okkur í garðinum gulli slegna var einstök.Næsta dag, þ.e. laugardeginum, var varið í heimsókn til fararstjóranna og þau fögnuðu okkur við komuna og framkvæmdastjóri DGT leiðsagði okkur um þorpið þeirra.

Við fórum svo í "garðinn þeirra" þar sem skáldið las úr verki sínu hughrifin af veru sinni sitjandi á bekk á þessum stað.

Þessi dagur endaði svo í dýrðlegum fagnaði á heimili fararstjórannna, sem spörðuð á engann hátt að bera í okkur mat og drykk, og það e.t.v. frekar að hætti okkar mörlandanna en franskra sem rétt dreipa á þrúgum héraðsins á stundum sem þessum.

Þá tók við sveitarferð á sunnudeginum. Farið með lest frá Lyon til "Fagrabæjar" í sunnanverðu Beaujolaishéraði og litið eftir hvernig vínrækt bænda gengur þetta árið. Var ekki ónýtt að þyggja flösku af góðum Beaujolais úr framréttri hendi innfæddra.

Á mánudeginum var skipt liði. Leiðsegjarinn fór með systurnar í verslanir til að létta á þörf þeirra til að fitla við franskan varning. Segir ekki frekar af ferð þeirra systra ásamt mákonu sinni, þó náðist mynd af einni í skóleiðangri. Voru þær að vonum ánægðar með þennan dag og uppskeru hans. Við karlpeningurinn héldum til sveita að skoða fegurð landsins og njóta þess sem þar er í boði. Skal litlum texta varið hér í leiðarlýsingu og rötun okkar um nærsveitir Lyonborgar, en fagra sáum við dali og græna ása. Við fengum okkur hádegisverð, á veitingastað sem kenndur er við þann sem þetta færir í letur, Le Donjon, í miðaldaþorpinu Oingt. Í forrétt voru forðum hraðfara kanínuleggir, í aðalfétt hinir laufléttu frönsku froskafætur ásamt mjóhrygg og í eftirrétt auðvitað frönsk súkkulaðikaka. Vínið var svo úr þrúgum búgarðsins við hliðina á þorpinu, öndvegisgóður Beaujolais, nema hvað.

Nú var farið að líða að lokum þeirrar sælu sem við höfðum orðið aðnjótandi þessa daga og einungis sameiginlegur kvöldverður eftir áður en leiðir skildu og fararstjórar héldu heim í hérað og við aftur til okkar ísakalda ættlands. Þó átti eftir að halda ræður, færa gjafir og faðmast.

Hafi LJÓNIÐ og hennar ektamaki kærar þakkir fyrir að gera þessa ferð okkar ógleymanlega.

Fyrir hönd okkar sem að heiman fóru,

Donni bró, ritari stjórnar Akurgerðis.

Frændsystkin

2006-06-15T21:39:00.000Z

Akurger�i
Jæja elskur..Nú þarf einhver að taka af skarið
7.júlí mæli ég með svo ég sé nú að skipta mér að þessu.
Þá verður sólin LOKSINS farin að skýna og það verður rosa gaman.
Nú er bara að allir lesi og skrái sig ..María mín það er engin nefnd í gangi.Væri auðvitað ekki vitlaust að hafa svoleiðis ..Setjum nefnd í gang segjum 2 ár og svo skipti.. Pælið í þessu ég bara vona að þið getið öll hist og haft gaman.
Sumar kveðjur
Helga frænka

Systkinabörnin

2006-06-15T13:29:00.000Z

Nú styttist í að við systkinabörnin fáum að hafa óðalið út af fyrir okkur. Hvernig verður mætingin? Ætlar einhver að skrópa? Baunar og Hróarskeldufarar eru löglega afsakaðir.

Af okkur er allt gott að frétta. Herra H fór til læknis um daginn sem sérhæfir sig í barnaastma og ofnæmi. Hann er nefnilega alltaf með hósta, greyið. Læknirinn staðfesti það sem okkur grunaði, að þetta væru eftirköst af RS vírusnum, sem hann fékk þegar hann var eins árs. Hann gerði líka ofnæmispróf á honum, sem kom vel út, engin viðbrögð við neinu.

Fyrir utan stöðugt kvef og hósta er Hafsteinn hress og við öll. Við erum byrjuð að plana sumarfríið, sem verður tekið í júlí. „Ísland - bezt í heimi!“ er slagorðið þetta árið.

Hasteinn Yngi Há Kombeisson litli Kombeisson (svona segir hann til nafns þessa dagana) biður að heilsa og við vonumst til að sjá sem flesta í Akurgerðinu síðustu helgina í júní.

Þórður á afmæli, je, je, je!!!

2006-06-14T09:42:00.000Z

Elsku Þórður.
Þá er komið að þér.
Til hamingju með afmælið elsku karlinn minn og njóttu dagsins.
Ég var að frétta að þú ætlaðir að vera huggulegur og bjóða í kaffi!!! Þetta er almennilegt, ha! Oddur Ingi!
Bið að heilsa Vöku, fæ vonandi seinna hjá henni köku! (gat ekki staðist þetta!).
Knús og krammmmm
Hulda og Þór

Hitabylgja, ströndin og daglega lífið

2006-06-14T08:28:00.000Z

Sæl nú.

Þá ríður yfir bjórglaða Danina fyrsta hitabylgja sumarsins. Ekki förum við litla fjölskyldan í Frederiksberg varhluta af hitanum og er það nú orðið fyrsta verk dagsins að fara inn í eldhús og kíkja á hitamælinn. Tveggja stafa tölur kl. 8 á morgnanna er nokkuð sem Íslendingar eru ekki vanir að sjá.

Helgina nýttum við okkur til að fara norður eftir Sjálandi og til Klampenborg. Þar er staðsett ein besta baðströnd Danmerkur og er hún alltaf mjög vel sótt, sérstaklega yfir heitustu mánuðina. Við komum okkur fyrir á teppi og handklæðum og sprautuðum yfir hvort annað sólarvörn 30 eins og það væri enginn morgundagur. Þarna láum við og dúlluðum okkur á milli þess sem við fórum í sandinn og niður að sjónum sem var í kaldara lagi þennan daginn (enda bara byrjun á júní). Nóg var af fólki og allir greinilega mjög ánægðir að sjá sólina loksins eftir annars blautan maí mánuð. Sumir voru jafnvel full ákvafir og höfðu ákveðið að fara úr öllu og flagga í heila sólinni til heiðurs. Flestir reyndar að skíða yfir sjötugs aldurinn .... say no more.

Eftir hæfilega langa legu á ströndinni löbbuðum við yfir í Bakken sem er staðsett þarna rétt hjá. Liltu gaurarnir (Runi og Heiðrún voru auðvitað með) lögðu sig aðeins eftir annasaman morgun á meðan við fullorðna fólkið skoðuðum bjórdælurnar á svæðinu. Þegar allir voru vaknaðir og orðnir hressir var farið í "bílana" og auðvitað "endurnar" sem snúast í hringi. Veðrið hélt auðvitað áfram að gæla við okkur og hitastigið orðið hættulega nálgt 30 gráðum sumstaðar.

Seinnipartinn fórum héldum við svo á stað heim en gerðum stopp í miðbænum þar sem við settumst á lítinn ítalskann veitingastað og gæddum okkur á pasta og pizzum. Virkilega góður endir á góðum degi.

Annars er allt gott að frétta af okkur fjölskyldunni. Erla er í óða önn við að klára ritgerðina sína og ætlar að skila henni á morgun. GI gengur svo vel hjá Lotte og líður greinilega mjög vel hjá henni. Hún er mikið með barnabarnið sitt sem heitir Eleane og er ný orðin 4 ára. Þau eru voðalega góðir vinir og gaman fyrir GI að hafa smá félagsskap yfir daginn. Sjálfum gengur mér mjög vel í vinnunni og er upptekinn sem aldrei fyrr.

Þann 11. júlí (eftir tæplega mánuð!!) höldum við svo á vit ævintýranna á Tenerife. Mikið hlakkar okkur til enda aldrei farið saman til útlanda sem fjölskylda. Það verður fínt að slaka á við sundlaugabakkann með coctail í annari og sóláburð í hinni.

Væri gaman að heyra frænkum mínum og frændum, hvað er að gerast og svona :)

Hilsner frá sunny köb!

Jonathan frændi

P.S Á myndinni er Guðjón Ingi að kyssa Bölle (risa bangsann sem hann fékk frá Anette í afmælisgjöf).

Oddur Ingi á afmæli!!!

2006-06-09T11:25:00.001Z

Elsku strákurinn okkar.
Til hamingju með afmælið.
Hugsa sér að það skuli vera liðin tuttugu og þrjú ár síðan þú fæddist! Það er svo ótrúlegt hvað tíminn flýgur.
Eigðu góðan dag Oddur minn og passaðu nú að vera eitthvað úti líka næstu vikurnar þó fótboltinn sé skemmtilegur.
Kossar og knus.
Mamma og pabbi

Fra Gerdi i New York

2006-06-02T21:43:00.000Z

Erum i millistoppi i New York og nuna ad bida eftir thvi ad fara ut a flugvoll. Vid fengum husid i Nicaragua fyrir rest en gatum ekki flutt inn i thad tvhi thad atti ad taka 20 daga ad koma rafmagninu i thad! En vid keyptum allt i thad og tengdo aetladi ad flytja i gaer, thratt fyrir rafmagnsleysi. Saul gat heldur ekki gengid endanlega fra lagalegu hlidinni og thurfti ad undirrita einhverja outfyllta pappira.... pinu nervus yfir thvi en vonandi er logfraedingurinn traustsins virdi.
Eg var daudfegin ad fara fra Nicaragua en a sama tima vildi eg vera thar miklu lengur - bara ekki a hotelum og i endalausum reddingun og barattu vid skriffinnskuna. Gesti hefur farid alveg otrulega mikid fram i spaensku, skilur augljoslega miklu meira og talar alveg helling nuna. Vid komum hingad til NY fyrir tveimur solarhringum og thad er eins og hann se enn ad vinna ur thvi sem hann laerdi i Nicaragua thvi thad er stodugt ad baetast i ordafordann hja honum. En hann er allur uti i exemi eftir svita og moldarryk og lika allur uti i skordyrabitum. Hann var mjog hamingjusamur tharna, serstaklega a svaedinu i kringum husid okkar. Tibiskt nybyggingarsvaedi med fullt af spennandi drasli, drullu og stillonsum. Einn daginn leit eg af honum i 30 sek og tha var hann kominn upp einn stillansinn! Afskaplega orkumikill... En honum letti greinilega vid ad koma hingad thar sem er bara rett yfir 20 stiga hiti.

Thad verdur gott ad koma heim, thott urslyt borgarstjornarkosningana dragi adeins ur gledinni.

Hlakka til ad sja ykkur flest oll fljotlega.
Gerdur

Frá Gerði í Nicaragua

2006-05-17T10:41:00.000Z

Allt gott að frétta frá Nic, en húsið erum við ekki enn búin að fá. Við
áttum að fá það 8. maí, svo 15., svo í dag, en þégar við mættum að taka við
því voru 15 manns að vinna í því, átti eftir að mála og margt fleira. Við
fáum það víst næsta fimmtudag. Við höfum leigt bíl til að komast um því
annars getum við ekkert gert hér. Gestur er kátur, var með smá hita um
daginn en það fór fljótt. Hann er lystarlaus, vill bara kjöt, en drekkur
sæmiléga. Hitinn virðist ekki hafa mikil áhrif á hann nema a nóttunni -
hann sefur ekki nema loftkælingin sá á. Annars er hann óttaléga einmana og
saknar þess að hafa ekki önnur börn. Hér var einn strákur á hótelinu um
daginn og þeir hlupu saman um allt. Annars er hann snöggur að rífa í hárið
á þeim krökkum sem láta ekki nógu vel að stjórn. Lítil börn eltir hann uppi
og vill halda á þeim, eins og hvolpinum sem hann lék sér við heima hjá
Reyna (þeirri sem ég bjó hjá i Jinotéga). Ég held að hann kunni vel við sig
hér því hér er hann mikið allsber, eins og honum finnst best, og má sulla á
sig vatni að vild. Hann sefur bleyjulaus og hefur ekki enn pissað undir.
Spænskunni fer fram hjá honum, hann ségir sífellt ný orð og við dýrin i
hótelgarðinum talar hann bara spænsku! Hann er mjög hrifinn af ættingjum
sínum hér, sérstakléga litlu systur Saul og þó mest af ollu af Cesar, sem
er ári yngri en Saul. Þégar hann sá hann í fyrsta sinn fleygði hann sér i
fangið a honum og vill hvergi annarstaðar vera ef Cesar er nálægt. Cesar
byr við ömurlégar aðstæður á stærsta markaðinum hér. Húsið er óttalégur
kofi, moldargólf og bara mold og leðja í húsagarðinum. Þarna býr fullt af
fólki og hann asamt konu sinni, sem á 3 uppkomin börn, og börnin þeirra
litlu tvö, 6 og 4 ára og eitt a leiðinni. Þau eru óttaléga sæt systkinin,
nema sá litli er með kolbrúnar tennur, enda mikið borðað af sykri hér og
lítið hugsað um tannheilsu. Fólki finnst við mjög furðulég að leyfa Gesti
ekki að drekka svaladrykki sem eru 50% sykur.

Régntíminn er byrjaður og er ekki eins svakalégur og mig minnti. Þó þýðir
ekkert að vera á ferðinni meðan régnið hrynur úr skýjunum, en það stendur
ekki lengi. Það sem ég hafði alvég gleymt var hvað helst i hendur við
régnið og það er flugtími skordýra, svo sem maura og kakkalakka. En öllu má
venjast.

Þróunarsamvinnustofnun Íslands er búin að opna skrifstofu hérna og er að
fára að vinna að orkumálum. Ég hef verið i sambandi við manninn sem stýrir
þessu og hann bauð okkur og öllum hinum Íslendingunum í mat um daginn. Það
voru Doris og Pétur með stelpuna sína og þrír háskólanemar í
starfskynningu. Ég hef aldrei komið i svona flott hús eða svona mikinn
luxus og við skemmtum okkur vel, en Gestur vildi bara toga í hárið a
stelpunum.

Við erum búin að hitta Ramon. Loksins er hann kominn í almennilega vinnu og
nýbúinn að fá launahækkun úr 10.000 cordobum i 22.000 cordoba. Svona er
launamunurinn gígantískur. Lágmarkslaun eru 1.000 og mágur minn sem vinnur á
vöktum fær það. Og Ramon er ekki einu sinni hátt settur eða með neitt
svakalegt kaup! Hugsið ykkur bara ef ég væri með 22-föld lágmarkslaun a
Íslandi - það væri 2,2 milljónir a mánuði!

Við fórum i dýragarðinn um daginn með tengdó og Naio bróður, þessum
þroskahefta sem Gestur kallaði til að byrja með Auðunn frænda! Við
skemmtum okkur mjög vel og serstaklega Naio sem aldrei fer neitt. Svo buðum
við allri fjölskyldunni út að borða í "Kringlunni" - tengdó, börnin hennar
7, tengdabörnin 5 og barnabörnin 11 og tvö a leiðinni. Eftir matinn fóru
krakkarnir og Naio i leiktækin. Það var mjög gaman. Allt þetta kostaði
okkur rúmar 4000 kr.

Tíminn að verða útrunninn. Skrifa meira seinna. Vonandi flytjum við um
helgina.
Sveittar kveðjur,
Gerdur

Myndir úr veislunni miklu

2006-05-10T13:23:00.000Z

Sæl öllsömul. Hér koma nokkrar myndir úr veislunni um helgina. Við héldum sameiginlega veislu með vinafólki okkar runa og Heiðrúnu sem héldu upp á afmæli Kristjáns Daða en hann á afmæli þann 5. maí og varð 1 árs. Veislan fór fram í leigusal á Solbakken þar sem r & H búa í sól og sumaryl!

Hamingjuóskir með afmælið

2006-05-09T10:00:00.000Z

Sæll Elsku frændi.
Þá er komin 9. maí. Til hamingju með afmælið. Styttist í stóru töluna (samt ekki svo stór).
Vonandi áttu góðan dag og það hafi verið gaman á sunnudaginn í afmæli litla kallsins.
Ég sé að það er geggjað verður í Köben. Það er eins hér nema of mikið mistur.
Kærar kveðjur og hafið það gott. Unnur frænka.

Dagurinn í gær í myndum

2006-05-05T10:43:00.000Z

Já, nú er stuð á Akurgerði - maður lifandi! Hulda bað um meira blogg svo ég ætla að láta þessa fljóta af minni eigin blogg síðu (fyrir þá sem ekki vita þá blogga ég um daginn og veginn hér)

Mig hefur lengi langað til að mynda dæmigerðan dag í lífi mínu. Í gær (4. maí) tók ég mig svo til og lét af verða. Ekki náði ég að mynda allan daginn en ég tók myndir á milli 10 og 18 (þá fór ég nefnilega á fótbolta æfingu). Ég tók myndavélina með mér hvert sem ég fór og stillti símann minn á 30 mínútna áminningu. Í hvert skipti sem ég heyrði í símanum reif ég upp vélina og tók mynd, með það fyrir augum að fanga momentið. Ekkert zoom, engar uppstillingar, bara að taka mynd. Svo raðaði ég þessu saman í tímaröð og má sjá útkomuna í hlekk hér fyrir neðan. Hvet alla til að prufa þetta við tækifæri :)

Myndina má sjá hér

1. Að labba niður á lestarpallinn við KB hallen.
2. Opnun Apple verslunar í Magasin (fullt af fólki).
3. Í lyftu á leiðnni í vinnuna með ladda á Vesterbrogade.
5. Bloggað í vinnunni.
6. Ennþá að vinna.
7. Laddi situr fyrir framan mig. Ég sé mikið af honum.
8. Inni í fundarherbergi að tala í símann.
9. Stend fyrir framan tölvuna.
10. Að labba í hádegismat á MacDonalds.
11. Að labba út af MacDonalds.
12. Smettið á ladda aftur.
13. Skjárinn minn enn og aftur.
14. Að hlaupa niður stigann á leið í strætó heim.
15. Á hjólinu á leiðinni að sækja Guðjón Inga til dagmömmu. Hjálmurinn hans í körfunni.
16. Á leiðinni heim á hjólinu með Guðjón Inga aftan á.
17. Í svefnherberginu heima. Guðjón Ingi að horfa á mynd í tölvunni.
18. Að skrifa á miða.

Guðjón Ingi 2 ára

2006-05-04T08:43:00.000Z

Elsku Guðjón minn til hamingju með 2 ára afmælið. Hafðu það gott í dag og alla daga í Danmörku. Sendi með mynd af þér síðan þú komst í kveðju pössun til okkar í Laufriman áður en þið fluttuð út. Bestu kveðjur til mömmu og pabba og hamingjuóskir með drenginn sinn. Unnur frænka

Systkinin rokkuðu í Ljósalandi

2006-05-04T08:32:00.000Z

Eins og fram kom áður á blogginu að þá héldu systkinin systkinamatarboðið í Rokklandinu Ljósalandi að þessu sinni eða 18. mars. Að venju var mikið stuð og læt ég þessa mynd fylgja með þar sem sést best stuðið á systkininum. Því miður vantar einn stuðboltan á myndina en við bætum úr því í end maí er við sameinumst hjá henni í Lyon en fyrst kemur hún heim og nær í okkur.

Komin frá Tyrklandi, á leið til Nicaragua

2006-05-03T10:30:00.000Z

Gunaydin öll sömul. Ég var að koma frá Tyrklandi þar sem ég var á tyrkneskunámskeiði og féll á lokaprófinu. Hér til hliðar má sjá mynd af okkur í fyrsta tímanum. Þetta er hluti af Evrópuverkefni sem ég er að taka þátt í og fjallar um aðlögun innflytjenda að samfélaginu. Við tvö sem fórum héðan blogguðum um þessa reynslu, sem var mjög áhugaverð. Bloggið er á ahus.blog.is . Gestur var hjá pabba sínum, sem stakk svo reyndar af til Köben, svo hann var mest hjá ömmu og afa. Honum leið greinilega mjög vel þar.

En núna á föststudaginn erum við að fafa öll sömul til Nicaragua og verðum í mánuð. Ég hlakka mikið til. Það verður gaman að hitta allt fólkið aftur og fyrir Gest að sjá ömmu sína og frændfólkið i fyrsta sinn. Við erum að fara að taka við húsinu sem er búið að vera að byggja fyrir okkur undanfarna mánuði. Þar mun tengdamamma búa ásamt bróður Saúl. Ég set hér með mynd af framhliðinni á húsi nágranna okkar sem er eins og okkar, nema liturinn. Ég vona að þið skemmtið ykkur vel yfir Júróvisjón og kosningum og við hittumst í júní - a.m.k. síðustu helgina í júní uppi í Akurgerði.

Kveðja, Gerður, Saúl og Gestur Diriangen

Mögnuð móðursystir

2006-04-24T21:17:00.000Z

Mig langar að vekja athygli á því að ein af mínum uppáhalds móðursystrum hefur aldeilis verið að gera það gott undanfarið. Ég skemmti mér konunglega í gærkvöldi við að horfa á myndina um kórinn hennar Unnar og öfunda hana af því að vera meðlimur í þessu öfluga samfélagi. Og ekki nóg með að hún væri í sjónvarpinu: Um helgina hljóp Unnur Lundúnamaraþonið - geri aðrir betur. Því segi ég: Mögnuð móðursystir!

Hvar er Hrúturinn

2006-04-22T15:35:00.000Z

Eitthvað rámar mig í Hrúturinn kemur sterkur inn.Og svo ekkert meir..búið..
Annars er einhver slappleiki í manskapnum ekkert einasta blogg dögum saman jú svo dettur svona eitt inn.Annars bíð ég spent að heyra frá Lyin ferðalöngum,Unnar Óli minn og fjölsk.á bloggið með ykkur.Allt í fínu formi hér á bæ bara farin að hlakka svo til Lyon ferðarinnar.Góða helgi öll
Helga

Langamma væri stolt!

2006-04-13T13:15:00.000Z

Ég varð að deila þessari mynd með ykkur. Ég var að byrja á lopapeysu og lagði hana frá mér í sófann þar sem Gestur sjónvarpssjúklingur sat og horfði á Brúðubílinn. Hann greip prjónana strax og sat svo og prjónaði og prjónaði! Hann bar sig svo fagmannlega að, að langamma hans hefði orðið stolt af að sjá hann.